阿歷山大阿諾喺對曼聯果場被指係失波罪人，而係賽後佢亦有出post同球迷say sorry，睇返其實球迷都普遍受落嘅，仲話佢只係得19歲仔，要佢呢個青年軍頂替佳尼呢個經驗正選已經唔係一件易事，最緊要知錯能改，他日一定成才咁話喎。
其實呢位英格蘭球員都算係成名得快，佢本身就踢中場嘅，但係喺一隊打法下轉型為右閘。係季佢為利物浦上陣22場比賽，入過3球波。而係今週國際賽中，佢亦首次被挑選咗去同英格蘭一隊跟操。
早喺2015年8月，當年16歲嘅阿諾首次被召到利物浦一隊。當年缺乏右閘嘅羅渣士就睇中咗呢名後生仔，叫當年U18教練 Alex Inglethorpe(現為利物浦青訓總監) 俾人佢去參與季前熱身賽。喺同利物浦官網嘅訪問中，阿諾就講到當年如何得到Inglethorpe嘅幫助以及首次為一隊上陣﹑對住史雲頓嘅非正式比賽嘅經過。
阿諾係訪問中話到，佢以前脾氣好差，如果輸緊波，佢會開始出現疲態同埋犯規；喺訓練入面仲會踢走個波添！但好好彩，佢有一位恩師－Inglethorpe。Inglethorpe最接受唔到球員有不耐煩的行為，佢阻止阿諾做出呢啲行為，更協助佢去處理呢個問題，亦都教識佢上一隊就要克服呢個弱點。
當時嘅阿諾覺得Inglethorpe非常挑剔，覺得佢好煩。但係而家睇返，佢真係非常感謝Inglethorpe。
「Inglethorpe令我由一個男孩長大成為一個男人，呢樣野對我影響好大。」
「佢一直都好照顧我，直到我最後一個Inglethorpe負責嘅操練，佢都睇實我，確定我真係預備好。」
「當年佢同我講，我要你準備好去一隊；但你唔會多謝我因為我知道你唔鐘意我咁樣對你，不過呢，我只不過係想你預備好未來嘅挑戰。」
得到Inglethorpe嘅幫助同教導，加上自己嘅努力，佢係U18嘅表現突出，成功得到羅渣士嘅欣賞。
「踢完U18對曼聯嘅賽事之後嘅事啦，Inglethorpe走過黎同我講，佢收到羅渣士電話，話對史雲頓場波可能要用到我。」
「Inglethorpe認為羅渣士係會用到我，所以希望我作好準備，儘管當時未100%肯定。」
「其實我都唔知洗唔洗踢架，但Inglethorpe 就想我盡快適應踢右閘，所以喺果日晏晝嘅比賽安排咗我踢呢個位，果次應該係我第三定四次踢右閘。我對呢個位真係唔太熟悉，但機會唔會等人，Inglethorpe 想肯定我預備好，去等待機會嘅降臨。」
「比賽之前果日我哋係Melwood練波，當晚就飛咗去史雲頓，到當地訓一晚就比賽。」
「我踢咗差唔多60分鐘！睇返轉頭，我好感恩有呢個機會踢到一隊。」
係訪問中，佢再講多啲轉型為右閘嘅問題。呢位由細撐到利物浦大嘅球員就做足功課，參考咗唔少歷年唔少著名右閘嘅比賽片，好似巴西嘅丹尼爾,前拜仁隊長拿姆等等
「右閘唔係右邊的閘咁簡單，除咗防守外，佢亦都需要走動，好似幾時上前場幾時返後，都係一門學問。」
「我慢慢咁習慣踢右閘，再同Critch(前U23 教練) 同埋Inglethorpe傾下未來，佢哋都認為踢右閘係一條最容易上到一隊嘅路。」
「對一個17歲嘅細路黎講，當你聽到你差一﹑兩步就可以踢到一隊，呢個動力真係好大架！」
之後嘅事跡大家都應該有印象啦，喺2016年對列斯聯果場，阿諾就出左球靚波俾奧歷治，奧歷治輕鬆一poke入波！外媒更加形容呢球出波可以媲美咸爺既招牌－Beckham-esque cross。
利物浦入面，右閘人選仲有祖高美斯﹑法拿根﹑同埋佳尼。之前受傷嘅祖高美斯以及佳尼都跟返操啦，法拿根就打女朋友…就算啦。但無可否應嘅係，阿諾佢係今季無論係喺歐聯定英超，都係一個驚喜；未成熟係真嘅，俾啲時間佢，信接手睇住阿諾嘅高普會好好咁帶住呢個後生仔！
Source: thisisanfield, liverpoolfc
其實呢位英格蘭球員都算係成名得快，佢本身就踢中場嘅，但係喺一隊打法下轉型為右閘。係季佢為利物浦上陣22場比賽，入過3球波。而係今週國際賽中，佢亦首次被挑選咗去同英格蘭一隊跟操。
早喺2015年8月，當年16歲嘅阿諾首次被召到利物浦一隊。當年缺乏右閘嘅羅渣士就睇中咗呢名後生仔，叫當年U18教練 Alex Inglethorpe(現為利物浦青訓總監) 俾人佢去參與季前熱身賽。喺同利物浦官網嘅訪問中，阿諾就講到當年如何得到Inglethorpe嘅幫助以及首次為一隊上陣﹑對住史雲頓嘅非正式比賽嘅經過。
阿諾係訪問中話到，佢以前脾氣好差，如果輸緊波，佢會開始出現疲態同埋犯規；喺訓練入面仲會踢走個波添！但好好彩，佢有一位恩師－Inglethorpe。Inglethorpe最接受唔到球員有不耐煩的行為，佢阻止阿諾做出呢啲行為，更協助佢去處理呢個問題，亦都教識佢上一隊就要克服呢個弱點。
當時嘅阿諾覺得Inglethorpe非常挑剔，覺得佢好煩。但係而家睇返，佢真係非常感謝Inglethorpe。
「Inglethorpe令我由一個男孩長大成為一個男人，呢樣野對我影響好大。」
「佢一直都好照顧我，直到我最後一個Inglethorpe負責嘅操練，佢都睇實我，確定我真係預備好。」
「當年佢同我講，我要你準備好去一隊；但你唔會多謝我因為我知道你唔鐘意我咁樣對你，不過呢，我只不過係想你預備好未來嘅挑戰。」
得到Inglethorpe嘅幫助同教導，加上自己嘅努力，佢係U18嘅表現突出，成功得到羅渣士嘅欣賞。
「踢完U18對曼聯嘅賽事之後嘅事啦，Inglethorpe走過黎同我講，佢收到羅渣士電話，話對史雲頓場波可能要用到我。」
「Inglethorpe認為羅渣士係會用到我，所以希望我作好準備，儘管當時未100%肯定。」
「其實我都唔知洗唔洗踢架，但Inglethorpe 就想我盡快適應踢右閘，所以喺果日晏晝嘅比賽安排咗我踢呢個位，果次應該係我第三定四次踢右閘。我對呢個位真係唔太熟悉，但機會唔會等人，Inglethorpe 想肯定我預備好，去等待機會嘅降臨。」
「比賽之前果日我哋係Melwood練波，當晚就飛咗去史雲頓，到當地訓一晚就比賽。」
「我踢咗差唔多60分鐘！睇返轉頭，我好感恩有呢個機會踢到一隊。」
係訪問中，佢再講多啲轉型為右閘嘅問題。呢位由細撐到利物浦大嘅球員就做足功課，參考咗唔少歷年唔少著名右閘嘅比賽片，好似巴西嘅丹尼爾,前拜仁隊長拿姆等等
「右閘唔係右邊的閘咁簡單，除咗防守外，佢亦都需要走動，好似幾時上前場幾時返後，都係一門學問。」
「我慢慢咁習慣踢右閘，再同Critch(前U23 教練) 同埋Inglethorpe傾下未來，佢哋都認為踢右閘係一條最容易上到一隊嘅路。」
「對一個17歲嘅細路黎講，當你聽到你差一﹑兩步就可以踢到一隊，呢個動力真係好大架！」
之後嘅事跡大家都應該有印象啦，喺2016年對列斯聯果場，阿諾就出左球靚波俾奧歷治，奧歷治輕鬆一poke入波！外媒更加形容呢球出波可以媲美咸爺既招牌－Beckham-esque cross。
利物浦入面，右閘人選仲有祖高美斯﹑法拿根﹑同埋佳尼。之前受傷嘅祖高美斯以及佳尼都跟返操啦，法拿根就打女朋友…就算啦。但無可否應嘅係，阿諾佢係今季無論係喺歐聯定英超，都係一個驚喜；未成熟係真嘅，俾啲時間佢，信接手睇住阿諾嘅高普會好好咁帶住呢個後生仔！
Source: thisisanfield, liverpoolfc
請按此登錄後留言。未成為會員? 立即註冊