【又到新一季】利物浦領隊高普禁止球員於更衣室提及...

利永遠不會毒行 於 26/07/2019 發表 收藏文章
利物浦於18/19年球季於歐聯決賽贏咗熱刺,贏得球會第6次嘅歐洲冠軍銜頭,當時利物浦市就有巴士巡遊慶祝,而世界各地嘅球迷亦都沉醉喺勝利歡喜嘅氣氛入面。開心嘅時間過得特別快,連第二作客波衫就已經出咗嘅時候,大家就知道就快開季啦。
為咗令球員唔好掛住回味以前,廣東話即係對住歷史打飛機,高普喺來季就落咗條新規則,就係更衣室唔俾球員講任何關於贏得18/19年歐聯冠軍嘅話題。
最近去咗美國踢季前熱身賽嘅利物浦,星期三就2比2打和史砵亭。賽後高普於記者訪問時就解釋,唔准球員講返之前嘅勝利,係因為球隊要有一個新出發。佢更加講到,如果球隊可以同上季開季果陣相似,都未嘗唔係一件好事。但球隊總有進步嘅空間,而球隊狀態嘅穩定性亦係一個關鍵。
對於利物浦黎講,其中一個好消息係張伯倫可以正式復出啦!上季季尾因為佢傷患好得比預期快,所以18/19季尾都有後備上陣過正規比賽。
高普更指出,張伯倫於對多蒙特﹑西維爾及史砵亭嘅熱身賽均有上陣,對於佢一星期內能夠應付兩場波,而每場都有60分鐘上陣時間,佢認為呢點非常重要,因為球員嘅狀態需要比賽時間去調整。雖然高普話張伯倫小腿肌肉仲有小小問題,但相信對於開季應該影響不大。

「唔係啲咩大傷,只係一啲舊傷,當你訓練強度增加時就會出現。」
利物浦將會喺星期日於愛丁堡對戰拿玻里,三日後更會飛到日內瓦同里昂作賽。而社區盾就會喺8月4日,於溫布萊上演對曼城嘅屬目賽事。(感謝提醒,之前打錯字)


source:mirrormetro

留言


請按此登錄後留言。未成為會員? 立即註冊
  • joesiu 於 27/07/2019 評論 NO. 1

    溫布頓?唔係溫布萊咩?

  • D...Agger 於 01/08/2019 評論 NO. 2

    感謝提醒!

快捷鍵:←
快捷鍵:→