【即時突發】基達將於下年7月轉會到利物浦

跟據可靠利物浦傳媒及bbc報導，基達將會喺今日內完成體檢，並於下年7月1日轉會到利物浦。
（利申：未有官宣）

Melissa Reddy



Paul Joyce


基達嘅解約金係£48m，另外利物浦將繳付一筆並無公開數目嘅保證金萊比錫紅牛先（即係好似留位費咁）。
22歲嘅基達一直都係高普頭號收購嘅目標，但萊比錫紅牛一直都表示佢係非賣品。而基達自己亦曾經係訓練時同隊友有爭執，有傳係想萊比錫紅牛放佢走，但最後件事就不了了之。

利物浦對呢名幾內亞球員已經提出過兩次報價，有傳第二次開價更高達 £70m , 之不過都被對方拒絕。而家利物浦同萊比錫紅牛傾掂數，基達今季繼續留喺萊比錫紅牛打歐聯打德甲，下季會坐飛機去利物浦獲得高普抱抱啦～～

基達曾經被形容為 “two players”, 一隊波正規咪11個人上場，但由於基達有過人嘅體能以及技術，佢可以駕馭到同時踢兩個位置－8號位同10號位。佢嘅攔截決定、以及搶截時機都掌握得好，運球技巧亦同文尼有得揮。

當然講到佢值唔值呢個價…其實喺資本主義下，都係供求問題，基達有價有市，個問題只係你買樓花，一年後先收樓會唔會有意外發生姐？touchwood，留意返，呢個德國聯賽常見嘅交易手法，只係喺英超比較少見。

夏季轉會市場中，高普用£34m簽咗羅馬嘅沙拿、£8m收購侯城嘅羅拔臣, 以及羅致咗車路士嘅蘇蘭基而高普亦有意係轉會窗完結前簽埋摩洛哥嘅湯馬士尼馬，估計利物浦將開價£60m。


但呢單消息亦帶黎另外兩個問題：

出年將會約滿嘅安尼簡係咪即係唔會續約呢？
FSG會出咁多錢，意味住佢會賣走古天奴？

source：twitter ，bbc sports