【今晚食拖肥】利物浦愛華頓打吡 精選

話說今晚（即係凌晨）4點會有利物浦作客愛華頓，打吡戰，正呀。
今場其中一個焦點係，究竟高普會用邊個龍呢？卡里奧斯定係米奴列呢？

是咁的，自從小妹係上場米杜士堡見到米奴列識接實個波，唔知係唔係幻覺問題呢？突然覺得佢好似好穩陣…至於卡里奧斯呢…有指傳媒（仲有兩個加－加歷查同加利仔）對佢不斷嘅指控係一種欺零。而加利仔就話，佢唔會收返佢嘅言論，而且，就算有錯就係高普錯，同卡里奧斯面對傳媒時講如何可以做得更好定乜乜乜去點名回應加利仔，倒不如默默地改進，用行動去證明佢係錯仲好啦。加利仔亦都有話，佢既評論如果唔係多得佢地嘅回應，佢講嘅野根本都唔會有可能有咁多人關注。小妹就覺得某程度上，佢又無講錯，知點樣改進但做唔到個心理壓力唔係仲大咩？而家就好似個男朋友日日同你講好愛你，但又出面有女人一樣。Well，把口就係人地度，而人地又係講波人(COMMENTATOR)，就好難要人地收聲嘅，何況呢個世界有言論自由（好似係），做得唔好俾人鬧天經地義呀，小妹係公司打錯一隻字都俾人講上星期講到今日啦…
所以今場，小妹直覺都係出米奴列會好啲。

另一個焦點應該係拉蘭拿啦，佢係最近兩場波入咗三球，而岩岩贏左米杜士堡果場更加入左兩球，功臣呢個名銜…應該無人反對嘛。拉蘭拿自從傷咗之後，利物浦嘅創造力真係低左好多。留意返，呢幾場佢入波個位都差唔多，小妹就覺得拉蘭拿打偏左會好啲既，呢名英格蘭球員就被利物浦名宿列納大讚佢會係今場派牌嘅球員！
佢條腰同走位真係世界級呀！


而呢幾場都有波入嘅奧歷治就用打仗（war）去形容呢場打吡戰，咁又係嘅，去到自己地頭，緊係要加多兩錢肉緊架啦。佢就好謙虛咁話佢會繼續努力去進步，咁佢既進步大家有目共睹。所以前場應該無問題架啦…唔擔心！呢個世界就係咁衰，有開心野一定有傷心野，傷兵！安尼簡同馬迪普都好似未有消息出到場，咁樣…小妹估個陣會係好似下面咁：


費明奴 奧歷治 文尼

韋拿度姆 拉蘭拿 軒達臣

占士米拿 卡拉雲 路夫蘭 佳尼

要贏要贏要贏三分三分三分呀！
＃很重要所以要說三次