仲記得「腳面射球」嗎?

黃足坑 於 09/09/2020 發表 收藏文章
如果一位球員有一招「絕技」,絕對可以加深球迷對佢嘅印象:洛賓有軌跡,恩尼斯達有一招“La Croqueta”。講到腳面射波,你會唔會諗起哥利斯馬(Ricardo Quaresma)?
呢位葡國翼鋒同C朗同時出道,縱使兩者都踢過大球會,但命途各異,C朗喺曼聯,乃至往後嘅皇馬同祖雲達斯都如魚得水,而哥利斯馬喺巴塞丶國際米蘭同車路士都係表現平平。好早已經離開主流聯賽,只係喺國家隊比賽會見到佢嘅身影,不過2018世盃後佢都好少為祖國效力。

要評論佢職業生涯嘅實力同成就,相信唔少人都比佢更高,但係哥利斯馬之所以有人認得,就係因為佢嗰招腳面射波。筆者對佢較有印象嘅一球,係2018年世界盃對伊朗一球。原來當年34歲嘅佢只係第一次出任世界盃正選,但係就使出自己成名絕技,喺右邊內切再用右腳腳面射入。想睇返呢球入波嘅,可以去呢度:

當然,熟悉佢嘅球迷朋友都知,哥利斯馬唔單止有腳面射波,而且盤扭能力出色,甚至用Rebona(交叉腳)傳波同射門都有一手,無疑係踢法花巧嘅球員。上網搵咗條哥利斯馬嘅球皇片,想睇嘅可以入去回味下:

新一代球員踢法越嚟越冇特色,同位置球員踢法都好相近,好似文章開頭所講嘅「個人技」買少見少。只可以話係足球已經開始轉變,雖然規則大致一樣但係對球員要求唔同,因此每次見到哥利斯馬呢個名,筆者都有少少感歎。自從離開五大聯賽後,哥利斯馬去過土耳其,中東,又返過葡超搵食。最近又返到葡萄牙,為甘馬雷斯效力,希望繼續入多啲好波俾我哋睇啦。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→