【一周足壇大小事報告 (5月6日-5月11日)】

足字室 於 12/05/2019 發表 收藏文章
文:蘭斯貝利

一直諗,點先可以將足球的消息一次過講比大家聽。而且令少睇波/唔睇波嘅人,甚至係一直唔知你點解睇波,覺得足球無咩好睇的另一半,都可以睇完就知下球壇發生乜事。所以就有呢個新專欄,就睇下筆者可唔可以堅持到,同埋大家反應點啦。
其實而家好多女仔都識睇波,倒不如講多啲更高層次的話題同佢討論仲開心!
基本上呢個星期,球迷一定好攰:星期二凌晨睇曼城對李城,星期三凌晨睇利物浦反勝,星期四凌晨睇熱刺反勝,星期五凌晨阿仙奴車路士。所以呢個星期取材實在太Easy 囉。

❶ 甘賓尼世界波 曼城繼續力壓利物浦
足字室最關心嘅英超方面,甘賓尼一腳世界波,曼城繼續有奪冠主動權。唔好睇少Captain Pan,呢球係甘賓尼英超生涯第一次在禁區外起腳射門。當哥帥、阿古路、史達寧都話唔好射呀...然後下一秒就睇住佢死角入波。甘賓尼,真係聯賽關鍵球員,每次入的波,都係救命甚至係致命!隨時因為呢一球,曼城取得聯賽冠軍。
https://youtu.be/kfRCnwZ29Mw
❷ 車仔無得買人,來季青春風暴?
無得買人,認真頭痕。
車路士早前涉嫌違規收購年輕球員,所以被國際足協處罰嚟緊兩個轉會窗都無得買人。車仔上訴,可惜星期三FIFA公佈維持對車路士的判決,不過就俾佢地可以在上訴期間註冊年輕球員。雖然情況一定令車迷擔心,但係車路士青訓一向名滿天下,而奧度爾同路夫斯捷克兩個青訓都站得住一隊之列,話唔定有驚喜?
話唔定車仔有新一輪青春風暴。
同時,佢地亦都在周中擊敗法蘭克福入歐霸決賽,同阿仙奴爭冠軍。
夏神離隊與否,將會是今季轉會市場最大看點。
❸ 英超盛世 歐聯歐霸英超齊內鬥!
記得,四隊分別係利物浦、熱刺、阿仙奴、車路士。唔好問「其他隊呢?」唔知你真心定假膠架。
歐聯利物浦熱刺驚天大逆轉!
https://youtu.be/eKkNs55rcNo
https://youtu.be/FEQfGOxq2-E歐霸車路士阿仙奴雙雙晉級。

https://youtu.be/pejokBoGZfs
https://youtu.be/_KikFF6PMGQ相信晉級劇情方面各位都唔需要我講太多,不欲在此呃字數(笑)
其實之前都試過歐聯歐霸都係西班牙球隊奪冠,仲有兩次,但都仲有一隊利物浦同賓菲加試圖打破壟斷...而呢兩項決賽四個席位由同一國家包辦,真係前無古人!
雖然英格蘭國家隊一直未有重要賽事冠軍,但係球會層面今季簡直威到盡,筆者覺得係一個大成就!

❹ 要走的始終要走,曼聯宣佈靴里拉季尾離隊
作為一個後費格遜時代效力五年的球員,佢離開對球迷來說真係好傷。
曼聯在來季確定歐霸下,蘇斯克查如何重建?將是一個重要課題。
loading
❺ 德甲仲未有冠軍?要鬥到最後!
一線之差,令多蒙特真係執番身彩,保持鬥到最後的機會。
德甲倒數第二輪,本身拜仁只需贏波,就可以提早一輪奪冠。
然而,本身入波嘅拜仁最後因為VAR 被取消入球。
和波之餘,另一邊多蒙特最後階段頂住攻勢,成功取得三分,令德甲聯賽需要鬥到最後!
下場拜仁只要唔輸波,就可以奪冠!
不過,多仔同拜仁的對手分別係爭前四的慕遜加柏,同埋法蘭克福,隊隊都要拎三分,究竟最後會係拜仁繼續壟斷德甲?定係多蒙特奇蹟後上奪冠?
❻ 日本消息:三杉淳戰死球場?

話說足球小將最新一集,德國史奈達將個波踢落本身有心臟病的三杉淳個心口...
事後有網民話作者可以從三個方向繼續畫落去:(以下為轉載)

1.足球小將 — 冥界篇,之後打上天界篇。

2. 源三跛左,泰來癱左,三杉戰死,最後志偉發現所有人都係佢自己幻想出黎,其實係佢細個果時已經因為果場車禍而變左植物人。

3. 身家豐厚既三杉家族卻做了一件驚為天人的決定,他們決定為三杉淳換一個核反應堆心臟,經過數十小時手術終於…..三杉淳活過來了!他第一時間想到一件事….復仇!!並自稱為「Iron Jun」

據說事件引起全球哄動,出版社已經收到廣大的投訴,就睇下下一集三杉淳到底會點!筆者將會密切留意呢位球員的最新情況!

講多句,高橋陽一,你玩夠未?

無論撐邊隊的球迷想分享、想用文字記得自己對球隊的點滴,歡迎嚟足字室!如喜歡我地的文章,請訂閱我地的專欄,亦都可以關注我地Facebook Page,球壇最新動態盡在此!

loading

標籤: 英超  三杉淳  曼城  利物浦  拜仁  

留言


請按此登錄後留言。未成為會員? 立即註冊
    快捷鍵:←
    快捷鍵:→