【連自己都呃埋】盧卡古滑稽插花 + 前場散步遭普巴怒轟!

球.不著地 於 03/10/2018 發表 收藏文章
筆者首先致歉,又是曼聯,不好意思,因為佢哋實在太多新聞!

今次講盧卡古。曼聯的戰績下滑,除了摩連奴戰術有問題,前鋒唔識入波都係其中一個原因,當中盧卡古就係被批評得最多的對象。從來曼聯都唔易踢,全宇宙都睇住你,自家球迷睇住你,對家球迷又睇住你(點死),花生球迷都睇住你(恥笑),壓力大到無返咁上下心理質素,真係會幾吃力。好似盧卡古咁,實力係有,但就交唔到功課,越踢越差,昨日一球插花甚至成為球迷恥笑的話題。

戰至第37分鐘,盧卡古在右邊接應隊友傳球,之後他高速插入禁區,他面前只有一名防守球員,於是他就興致大發,想來一個插花玩弄對手,點知對手就玩弄唔到,反倒現弄咗自己,搞到波都差啲搵唔到。

事後這一出醜畫面被球迷不斷嘲諷,有球迷笑指他插花毫無美感,只有笨拙的感覺。除此之外,戰至第68分鐘,自身都難保嘅普巴都忍唔住怒轟盧卡古,皆因他在前場散步不走位,隊友根本傳唔到波俾佢。有球迷就問:盧卡古嘅鞋係唔係有舊大鐵?跑都跑唔到!

呢個時候,唔知曼聯球迷有無掛住佢呢?曼聯不如買返佢?白髮雲佩斯遠程炮彈罰球,連續2場成絕殺英雄!

如果喜歡我們的文章,請即分享到︰

標籤: 盧卡古  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→