馬體會轉主攻 捧盃夢或可圓 精選

西甲一向巴塞皇馬獨大，近年喺施蒙尼執掌馬體會之後，以442穩守反擊嘅打法取得唔錯嘅成績同口啤，成為咗西甲嘅第三勢力，更加曾經喺2013/2014球季打破兩隊班霸嘅壟斷。上季馬體會西甲排第二，再喺歐霸賽場輕鬆擊敗所有對手拎冠軍。
黎到新一季，球隊先後收購兩位年輕翼鋒 Lemar 同 Gelson Martins又成功留住基沙文，似乎施蒙尼希望將球隊打法由保守嘅442陣式，改為主攻嘅4231。前線估計會Diego Costa 將會成為支點，基沙文就成為禁區頂主角Lemar 同 Gelson Martins 都係邊路球員，可以幫手拉邊同適合時候由邊路插入射波。不過仲有Correa, Gamireo, Vitolo 呢啲球員選擇，面對唔同風格嘅球隊可以派上唔同球員攻堅。其實簽入呢兩個球員已經顯示左施蒙尼放棄防反嘅諗法，認為係時候改為主攻，成為一支會主攻兼有強大施破嘅頂尖班霸。

咁由於放多左兩個進攻點，亦肯定會改上季長期有四個中場都只係協防，全靠前面兩個進攻球員嘅風格。至於中場中得番兩個位，馬體會應該起用經驗豐富嘅Koke派牌同Saul Niguez打box to box。兩個防中更加有 Thomas 同 Rodri後補。傳聞馬體會更希望簽入 Vidal 同 Di Maria增強中前場實力，假如成功收購相信絕對係如虎添翼。
馬體會後防一向長期穩定兼無後防主力流失，相信新一季後防仍然係信得過。後防繼續穩定，前場又多左兩個進攻有質素嘅球員，前場勢必有更多供應會俾到Diego Costa，相信下季馬體會進攻火力有增無減。適逢巴塞失去恩尼斯達、皇馬失去C朗兩個本身係該隊嘅主力，季初有一定時間嘅調整期去適應。馬體會罕有地無主力流失，加上改變做主攻嘅踢波，可唔可以把衝到多個西甲冠軍番黎？甚至趁皇馬改朝換代成績倒退之際，馬體會可以喺今季用主攻踢法攻到個歐聯冠軍翻黎？
。