飛馬自己犯錯 傑志輕鬆贏波

守拙 於 23/02/2019 發表 收藏文章

一個天色灰沉嘅下午,飛馬主場三球不敵傑志。經歷呢一場大敗,飛馬可以話係已經退出咗爭逐港超冠軍嘅競賽。
今場飛馬同之前嗰幾場一樣,先收縮後防線進行穩守,拎到波再放長傳俾左右邊路製造攻勢。呢個踢法本身冇乜問題嘅,弊在今日飛馬成隊都發梗夢咁。後防張國明、羅斯、張志勇三個球員竟然可以輪流犯嚴重錯誤,亦成功造成三個失球。

穩守不成,仲要前線大衛拉菲爾成場波傳中質素奇差、查維斯射失十二碼之餘,亦把握唔到啲機場;袁振昇走動亦都好少,毫無建樹……雖然後備入替嘅陳七同佐佐木周入完黎之後好多走動,為中前場提升咗一啲啲活力,但係嗰陣已經落後梗三球呢。

飛馬無得爭港超冠軍,亦都無可能降班,接下黎可以話大打風流波!不過佢哋都仲有菁英盃同足總盃可以爭,尤其足總盃有亞洲賽資格。儘管睇吓飛馬喺聯賽無乜壓力之下,可唔可以喺盃賽有所成績喇!

(圖片由球迷世界提供)

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→