銀河艦隊潰不成軍,建議巴士司機回歸執掌

守拙 於 06/03/2019 發表 收藏文章

皇馬意外地喺歐聯十六強次回合主場慘敗阿積士,兩回合反敗出局,成為歐冠十六郎!上次皇馬做歐冠十六郎嘅時候,已經係C朗拿度加盟皇馬第一季嘅時候,之後已經無試過喺歐聯十六強出局!

咁當然C朗拿度離隊對球隊產生好大影響,但係又唔可以將今季皇馬咁失敗嘅原因賴哂落C朗拿度離隊嘅……始終球隊問題一大堆!今季新收購門將古圖爾斯場上表現不似預期,仲要公開向傳媒講巴爾壞話、後防持續不穩、兩位中場大佬卻奥斯同摩迪歷開始衰老,活力同狀態無以前咁好、新簽嘅巴西快翼雖然盤扭技術同走位都ok,但係把握力就……

問題真係多到數唔哂!隊中各位主力大佬已經年華老去,再無辦法高速奔跑,球隊啲新仔又未夠班……各種問題已經令到皇馬無能力同對手鬥攻。好似今場面對年輕充滿活力嘅阿積士,皇馬同對方鬥攻,但係根本中前場活力不足,球隊無辦法承受到咁快嘅比節奏,終究引致大敗。

皇馬落得如絲田地,正好適合一個人回歸……佢就係泊大巴專家嘅前教練摩連奴。

既然無辦法攻,咁就要請番一個防守性教練㗎喇。摩連奴見到皇馬以家成績咁差,一定先收縮後防線進行穩守,先再諗進攻。皇馬一直輸都唔係辦法,先請摩連奴塞番好嗰後防,止吓血,然後俾摩連奴掟錢買球星慢慢執隊波,皇馬成績好快就會好轉㗎啦!再者,摩連奴上次入主皇家馬德里之前,皇馬都一直做歐冠十六郎,係摩連奴入主係改變一切,令皇馬可以再進一步。既然摩連奴之前都公開話過唔抗拒番皇馬執教,不如主席佩雷斯請摩連奴再次執教,並且俾佢一定嘅權力,話唔定皇朝可以好快再次降臨!

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→