曼聯又黎料，今次天價買……

據德國媒體報導，曼聯已經就收購J.保定一事開始同拜仁展開轉會嘅談判。只係曼聯提出用馬迪爾交換J.保定嘅提案已經被拜仁方面拒絕，因為拜仁對馬迪爾根本完全唔感到興趣。
拜仁方面希望轉會係希望淨收取轉會費多過曼聯拎球員黎交換，而拜仁方面就為J.保定標價6000萬歐元。經過J.保定喺世界盃惡劣嘅演出，曼聯方面就當然希望拜仁方面可以減下價喇。至不過而家29歲嘅J.保定同拜仁嘅合約其實到2021年先到期，所以拜仁並唔急於放走呢一位德國中堅，就無乜意思減價俾你。反而曼聯方面就好希望可以轉會窗完之前收購到頂級中堅，而轉會窗亦就黎完，收購巴塞中堅美拿亦告失敗，喺無何奈何情況下，相信曼聯會就範，乖乖地俾個6000萬歐元收購J.保定去穩固後防。