大埔防線實力增

守拙 於 13/08/2018 發表 收藏文章
港超聯球隊和富大埔今季簽入唔少球員,並且聲稱希望可以拎到聯賽冠軍咁話。上次講咗大埔進攻火力點增強之後,今次就講吓中後場人腳喇。

今季門將位置除咗第三門將有所變動之外,正選門將之位仍然係由德古曾文輝同李瀚灝兩位喺港超黎講級數都幾高嘅門將去進行一場龍爭。相信兩位會為左正選席位去儘量表現自己,而有個良性競爭逼使兩位門將不斷進步,對大埔黎講無疑係好事。

教練李志堅長期用三中堅陣式,所以中堅人手一定要足夠。除左本身就喺裡面嘅杜度、艾華度、翟廷峰、馮慶驊,同埋可以客串呢個位嘅梁冠聰之外,今季仲加入咗林毅東同基藍馬兩個新加盟球員,以上咁多個球員以港超實力計都算一線,點排實力都係差唔多添。翼衛方面,雖然走咗一個積斯利去競爭對手香港飛馬,但係連續簽入楊賜麟、李嘉豪兩個攻守兼備嘅翼衛補強,加上本身仲有大衛拉菲爾同李嘉耀兩個一流嘅翼衛、仲有年輕球,呢個位置深度有增無減。

後防每個位置都有至少兩個球員去爭一個位,位位都實力相當,新一季大埔防守球員質素又有,人腳又充裕,值得期待!

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→