凱景橋頭堡:金玟基

守拙 於 22/03/2019 發表 收藏文章

每季排榜尾深陷護級危機嘅球會,季中或多或少都會有最後嘅掙扎,其中佢哋一定會搵外藉球員雷霆救兵。雖然通常都唔會真係救到隊波,不過佢哋總有唔錯嘅表現,引起唔少球迷注意。15/16灝天黃大仙有艾華頓,上季標準流浪有佐佐木周,今季凱景……你可能認為係羅拔,不過我認為係金玟基。

雖然作為進攻球員,金玟基喺港超未開過齋,不過佢係凱景嘅作用比起季中離隊他投嘅徐相民。身高有1米8嘅佢,身體非常強壯,同其他外援中堅鬥法並唔輸蝕,有能力衝擊對手後防線,可以話係凱景嘅橋頭堡。佢頭槌、first touch 、二傳都有番咁上下,有哂以上條件,當然成功成為凱景前場支點。佢幫球隊喺前場停到波,又會番中場組織,有咗佢之後,其實凱景前場組織好咗唔少。唔洗淨係下下都放俾差唔多40歲嘅安基斯去跑,安基斯、羅拔、孫銘謙更加可以喺金玟基開路之下,揾到更多空位入攝射波。

可惜凱景後防長期不穩嘅問題得唔到解決,再係咁,你前場組織再好都無乜用,降班似乎係定局。金玟基出色嘅表現,會唔會吸引到其他港超球會簽佢呢?大家拭目以待!

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→