中村佑人加盟傑志，有冇位俾佢出場？ 精選

傑志早前已經舉行咗新球季嘅發佈會，而其中宣佈新加盟有上季效力和富大埔嘅中村佑人。中村佑人係一個好洗好用嘅進攻球員已經喺香港聯賽打滾好多年，今個球季內亦好大機會可以拎到特區護照，可以用本地球員身份幫傑志上陣。
至不過中村佑人係一個前鋒，上季喺大埔最好都只係墮後打輔鋒或者攻中，但係中村佑人黎到傑志應該都冇機會喺呢啲位置上場。傑志上季尾多打4411，前鋒位有盧卡斯同泰迪，輔鋒位又有鄭展龍同佐迪。而中場中亦有施素高、黃洋、林柱機、鞠盈智，根本不需要中村佑人嘅加入。但係如果硬要中村佑人加上場，其實將陣式改成4321或者可以成事。因為本身今季傑志只有林恩許打到右翼，成季好難打足，又由於傑志嘅閘位球員丹尼、羅梓駿有一定助攻能力，可以幫手拉邊，唔洗驚用4321冇人拉邊，而到時就有兩個輔鋒位，費蘭度、佐迪、中村佑人同鄭展龍可以因應唔同對手而放上場。中村佑人嘅傳送同走位能力，加上有其他喺超聯屬於頂級實力嘅隊友幫拖，做傑志其中一個輔鋒，相信問題唔大。
當然朱sir亦有可能用其他陣式係可以俾到中村佑人上陣嘅可能，欲知後事如何，新一季入場睇超聯喇！