2012-2013球季係費格遜（Alexander Ferguson）執教曼聯嘅最後一個球季，當時紅魔坐擁朗尼（Wayne Rooney）同雲佩斯（Robin van Persie）兩大天才射手，而由於雲佩斯射手本能實在無出其右，於是費格遜安排朗尼擔任二傳手甚至進攻中場嘅角色，而朗尼亦明顯非常勝任呢個角色，只要俾一個好似雲佩斯咁出色嘅射手，朗尼就一定可以傳到個靚波俾佢，佢哋兩人合作炮製咗好多美妙入球，當中最精彩嘅，相信就係以下呢球：
2013年04月23日，接近英超煞科嘅時候，當時曼聯主場對住阿士東維拉，開賽僅分半鐘，雲佩斯就為紅魔火速打開紀錄，當時拉菲爾達施華（Rafael da Silva）右路大腳傳中，傑斯（Ryan Giggs）於遠柱將個波逗入中路，雲佩斯門前輕鬆射入。之後嘅第二球就係今場，甚至可以話係英超史上其中一球世紀金球。當時曼聯後場搶到個波，香川真司傳俾右路嘅朗尼，今場司職中場嘅朗尼未到中場線就見到雲佩斯跑位，然後作出一記40多碼長傳，個波精準送到雲佩斯面前，佢球不著地，就係禁區邊第一時間窩利抽射死角破網！
英超官方高清影片：
https://www.premierleague.com/video/single/1524876
最後雲佩斯更大演帽子戲法，而紅魔亦淨勝阿士東維拉3球，仲領先餘下5場賽事嘅對手曼城16分，提早封王，為費格遜送上一份最好嘅退休禮物，呢個冠軍同時亦係雲佩斯首次聯賽冠軍。
十年後講超呢球，送出精彩助攻嘅朗尼就話：「事實上，我同羅賓（雲佩斯嘅名）有好多交流，類似佢喺阿仙奴同法比加斯嘅交流。我同佢講，如果我攞到波，佢就會可以點樣跑動。
「你會睇到我經常喺場上搵羅賓，你亦會睇到羅賓喺度搵緊個波，正正就係呢種眼神交流令我可以精準傳到個波俾佢，而佢亦可以跑去該到嘅位置。」
朗尼 + 雲佩斯其他精彩配合：
2013年04月23日，接近英超煞科嘅時候，當時曼聯主場對住阿士東維拉，開賽僅分半鐘，雲佩斯就為紅魔火速打開紀錄，當時拉菲爾達施華（Rafael da Silva）右路大腳傳中，傑斯（Ryan Giggs）於遠柱將個波逗入中路，雲佩斯門前輕鬆射入。之後嘅第二球就係今場，甚至可以話係英超史上其中一球世紀金球。當時曼聯後場搶到個波，香川真司傳俾右路嘅朗尼，今場司職中場嘅朗尼未到中場線就見到雲佩斯跑位，然後作出一記40多碼長傳，個波精準送到雲佩斯面前，佢球不著地，就係禁區邊第一時間窩利抽射死角破網！
英超官方高清影片：
https://www.premierleague.com/video/single/1524876
最後雲佩斯更大演帽子戲法，而紅魔亦淨勝阿士東維拉3球，仲領先餘下5場賽事嘅對手曼城16分，提早封王，為費格遜送上一份最好嘅退休禮物，呢個冠軍同時亦係雲佩斯首次聯賽冠軍。
十年後講超呢球，送出精彩助攻嘅朗尼就話：「事實上，我同羅賓（雲佩斯嘅名）有好多交流，類似佢喺阿仙奴同法比加斯嘅交流。我同佢講，如果我攞到波，佢就會可以點樣跑動。
「你會睇到我經常喺場上搵羅賓，你亦會睇到羅賓喺度搵緊個波，正正就係呢種眼神交流令我可以精準傳到個波俾佢，而佢亦可以跑去該到嘅位置。」
朗尼 + 雲佩斯其他精彩配合：
請按此登錄後留言。未成為會員? 立即註冊