咁樣對老人家？80歲費格遜步出球場遭一曼城球迷嘲諷

曼聯客場1-4敗於曼城後，80歲嘅前曼聯傳奇主帥費格遜賽後步出球場，就遭到一名曼城球迷嘲諷。

該男子當面對住呢住老人家大叫：“Never in my lifetime！"費格遜無作出任何回應，只係耷低頭默默地離開現場。


“Never in my lifetime！"係費格遜當年對住記者提問有關曼城嘅經典言論。2009年9月，當時曼城剛被阿聯酋嘅曼蘇爾收購無耐，有記者問曼城會否成為曼徹斯特市嘅主導球會，費格遜當時回答：「喺我有生之年肯定唔會發生（not in my lifetime）。」

呢句說話似乎永遠印咗喺曼城球迷心中，喺昨天嘅比賽中，曼城球迷就喺場邊拉出橫幅，上面寫嘅內容就係呢句費格遜嘅名言：NOT IN MY LIFETIME。


正所謂「三十年河東，三十年河西」，自從費格遜離開曼聯之後，曼城每季嘅英超戰績都喺曼聯之上，而且仲攞咗五個英超冠軍。而曼聯看似每季都有起色，可惜最終都係繼續困喺泥濘中掙扎。