連續20年有波入！C.朗入球數超越比利成為歷史第二

剛踏入2021年，C朗拿度就達成咗一個驚人的成就。佢喺今輪意甲主場迎戰烏甸尼斯嘅賽事上正選上場，上下半場各建一功，攻入今季聯賽第14個入球，並以758球的成績（球會+國家隊正式比賽入球），超越球王比利（Pele）一球，成為歷史上入球數第二多嘅職業球員，而排第一嘅係奧地利傳奇射手比辛（Josef Bican），佢入嘅紀錄係805球，Ｃ朗要超越佢成為第一仲有一段距離，但並非無可能。


而C朗拿度今場亦達成另一個成就：已經連續20年有波入，追平咗伊巴謙莫域，僅次於告魯夫（21年）、迪史堤芬奴（21年）、比利（21年）、曉高-山齊士（21年）、托迪（23年）和傑斯（23年）。