37歲對於一個足球運動員嚟講，已經到咗一個日落西山嘅年紀，就算體格強如C.朗拿度（Cristiano Ronaldo）都不能避免。昨日C.朗喺歐洲國家聯賽對住西班牙，連連失機，至少錯失4大黃金機會，結果葡萄牙以0：1不敵西班牙，未能提前晉身4強。
葡萄牙周二喺歐國聯A2組分組賽主場迎戰西班牙，本身和波足以晉身4強，可惜機會雖多，但把握力欠佳，當中尤以C.朗機會最多。葡萄牙今場開賽雖然踢得較保守，全場控球率不足4成，但喺貝拿度施華（Bernardo Silva）及般奴費南迪斯（Bruno Fernandes）嘅策動下，有唔少射門機會。結果葡萄牙一共創造咗9次攻門，當中有4次射中目標。
單單C.朗就有四次黃金機會：
1. 第21分鐘，C.朗喺禁區內面對重重包圍下仍能起腳抽射，可惜越楣而出。
2. 第46分鐘，迪亞高祖達（Jota）前場逼搶成功，放直線俾C朗，可惜C朗單刀射門被烏尼西蒙（Unai Simon）撲出。
3. 第71分鐘，祖達禁區頂接應左路嘅傳波，佢成功吸引咗兩名西班牙防守球員，然後佢睇準機會轉身傳俾右路無人看管嘅C.朗，可惜後者反應慢咗半拍，結果被回防嘅西班牙球員破壞。
4. 完場前，C.朗接應左路斜傳，佢成功入楔禁區，球不着地，右腳一抽，可惜又被烏尼西蒙救出。
賽後C.朗難掩沮喪心情，佢走向更衣室前無奈地拋擲隊長臂章：
毫無疑問，C.朗嘅走位同意識依然頂級，但速度、反應，以及體能已經敵不過年齡呢頭猛獸而出現下滑。C.朗固然仍是葡萄牙嘅核心，但同時亦令葡萄牙陷入兩難，一方面，國家隊仍需要佢嘅經驗同領導力，但另一方面，當C.朗表現不佳時，教練有冇膽量換走佢呢？
廉頗老矣，尚能飯否？
葡萄牙周二喺歐國聯A2組分組賽主場迎戰西班牙，本身和波足以晉身4強，可惜機會雖多，但把握力欠佳，當中尤以C.朗機會最多。葡萄牙今場開賽雖然踢得較保守，全場控球率不足4成，但喺貝拿度施華（Bernardo Silva）及般奴費南迪斯（Bruno Fernandes）嘅策動下，有唔少射門機會。結果葡萄牙一共創造咗9次攻門，當中有4次射中目標。
單單C.朗就有四次黃金機會：
1. 第21分鐘，C.朗喺禁區內面對重重包圍下仍能起腳抽射，可惜越楣而出。
2. 第46分鐘，迪亞高祖達（Jota）前場逼搶成功，放直線俾C朗，可惜C朗單刀射門被烏尼西蒙（Unai Simon）撲出。
3. 第71分鐘，祖達禁區頂接應左路嘅傳波，佢成功吸引咗兩名西班牙防守球員，然後佢睇準機會轉身傳俾右路無人看管嘅C.朗，可惜後者反應慢咗半拍，結果被回防嘅西班牙球員破壞。
4. 完場前，C.朗接應左路斜傳，佢成功入楔禁區，球不着地，右腳一抽，可惜又被烏尼西蒙救出。
賽後C.朗難掩沮喪心情，佢走向更衣室前無奈地拋擲隊長臂章：
毫無疑問，C.朗嘅走位同意識依然頂級，但速度、反應，以及體能已經敵不過年齡呢頭猛獸而出現下滑。C.朗固然仍是葡萄牙嘅核心，但同時亦令葡萄牙陷入兩難，一方面，國家隊仍需要佢嘅經驗同領導力，但另一方面，當C.朗表現不佳時，教練有冇膽量換走佢呢？
廉頗老矣，尚能飯否？
請按此登錄後留言。未成為會員? 立即註冊