2018世界杯前瞻(一)

不知道⚽😂 於 23/04/2018 發表 收藏文章
世界杯為各位球迷最期待的賽事,今年世界杯抽簽結果一出,就有各種評論。依家等小編略略解釋下局勢同做少少預測。
A組:俄羅斯,沙地阿拉伯,埃及,烏拉圭
呢組好多人話做馬抽正簽比俄羅斯,其實不然。埃及同烏拉圭各有當家球星 ,只有沙地阿拉伯較弱,外援5隻手指都數得完,如利雲特前鋒穆華拉德。埃及有利物浦當紅射手沙拿領軍,陣中英超兵仲有艾蘭尼(阿仙奴),希加西(西布朗),蘇比希(史篤城),前中後都有英超兵,戰鬥力不容忽視。至於烏拉圭有哨牙蘇同泰山卡雲尼在陣,攻力強勁,俄羅斯老牌門將艾堅費夫將受到大考驗。加上俄羅斯攻力疲弱,只靠數位土炮前鋒,例如科科林,斯莫洛夫等爭取入球,突圍分組賽有一定難度。首名出綫將會係埃及同烏拉圭之爭,且看俄羅斯能否爆冷擊敗埃及或烏拉圭突圍而出。

預計出綫隊伍:烏拉圭首名,埃及次名
B組:葡萄牙,西班牙,摩洛哥,伊朗
"雙牙"同組,預計將會包辦首名同次名出綫權。葡萄牙有皇馬巨星基斯坦奴朗拿度坐鎮,配以蘭尼組成雙箭頭。其他星將包括有今季頻頻射入靚波既哥利斯馬(@比錫達斯),係英超揾食既祖奧馬里奧,阿祖安施華同班納度施華等人,鋒綫同邊路可謂人才濟濟,因此預計葡萄牙將會主攻。西班牙方面,前中後龍都係世界級。龍門無需多講,一個迪基亞救全家(當然仲有效力拿波里既連拿)。後防除左隊長拉莫斯仲坐擁巴查,佐迪艾巴,APZ等實力戰將。中場則有大家熟悉既大衛施華,高基帶著艾辛斯奧,伊拿拉文迪等國家隊新丁。前鋒係西班牙最弱一環,但問題都隨著艾斯派斯,洛迪高摩蘭奴等鋒將今季既突出表現引刃而解(PS小編希望見到韋拿TAT,話曬踢2740分鐘入24球加5助攻wor...)。摩洛哥較受矚目既應該係Ziyech,此子曾被雲達沙批評選擇代表摩洛哥係愚蠢,但卻以實力證明自己無錯,協助球隊殺入32強。另外較突出既仲有岩拉巴治,賓拿迪亞等外流兵。伊朗係亞洲一哥,但出綫都應該凍過水,陣中衹有少數外流兵,如效力諾定咸森林既攻中迪扎加,奧林比亞高斯既射手安沙理法德同左中場夏爾沙菲等,難以爆冷。

預計出綫隊伍:西班牙首名,葡萄牙次名

留言


請按此登錄後留言。未成為會員? 立即註冊
    快捷鍵:←
    快捷鍵:→