【轉運神技】禾斯克拉隊長異常行為,對阿仙奴即入波?

森美爾足球勝地 於 21/09/2018 發表 收藏文章
香港時間今日凌晨嘅一場歐霸盃分組賽,禾斯克拉作客以2:4不敵阿仙奴。喺比賽開始之前,禾斯克拉隊長捷斯拿哥夫做咗一個異常行為,令電視機前嘅觀眾感到唔舒服,但佢竟然可以喺呢場比賽入波!

呢球波絕對係士氣波,阿仙奴作客佢哋都真係唔易踢。


只係見到,鏡頭影住準備入場嘅禾斯克拉全隊人,佢哋嘅隊長捷斯拿哥夫就理所當然咁企喺最前面。不過,跟住落嚟嘅一幕令電視機前嘅球迷嚇一跳。當時捷斯拿哥夫向自己手掌吐咗一篤口水,然後開始單手洗面嘅過程……

睇下捷斯拿哥夫開波前做咗啲乜.......

有啲足球專頁將條片擺咗上Twitter之後,即刻引嚟公論,有覺得嘔心,有覺得詫異!

好似啲貓瀨緊自己咁(不過啲貓得意好多)


寶寶好驚訝,但寶寶不說!


鍾意玩口水,唔啱叫埋杜格拉斯哥斯達過嚟同你一齊玩。

唔知呢篤口水係咪有轉運作用,今場比賽捷斯拿哥夫喺76分鐘射入一球,話唔定口水洗面係佢獨家轉運秘技都未定!當然呢啲冇科學根據嘅嘢,大家都係笑下就算啦,但確實地當阿仙奴換走咗防守中場托里拉,成個下半場尾段就畀人連入兩球。睇嚟呢個「白簡迪」喺阿仙奴陣中都相當重要!

Source: publimetro

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→