【轉型先兆?】巴塞對皇蘇,美斯竟然要踢「右閘」?

森美爾足球勝地 於 16/09/2018 發表 收藏文章
美斯對皇家蘇斯達,竟然踢右閘?你冇睇錯,美斯喺最近一場西甲比賽,進攻企位上竟然墮後到有啲似踢緊右閘!


喺香港時間9月15號夜晚10點15分上演嘅西甲聯賽——皇家蘇斯達對巴塞隆拿,巴塞以2:1反勝皇蘇。雖然巴塞已經成功四連勝排榜首,但今場賽事之後發現巴塞存在住一個應該要解決嘅問題,而呢個問題正正係同美斯有關........

全場精華片段,值得留意嘅係美斯進攻企位。

現年31歲既美斯喺足球場上基本上係可以擔任唔同既位置,但係你唔會想佢踢較後嘅職位,因為佢喺前場可以比到對手重大嘅威脅。

喺星期六既賽事當中,佢主要集中係右邊較後既位置上面。雖然站位較後,但明顯見到美斯已經用盡佢全力去幫球隊加強進攻嘅入滲度。經常墮後攞波同分波,唔知係咪寓意著美斯即將轉型成為攻中,甚至中場中嘅位置呢? 






喺上半場完結嘅時候,美斯總共有31次觸球次數,但冇一次係可以入到對方禁區。

領隊華維迪上半場派出施美度擔任右閘,不過下半場既時候就用佢將古天奴換入,希望加強進攻能力。正因為咁而美斯就係比賽既時候都集中係右邊後場活動,因為要幫助防守。

缺乏美斯創造力既巴塞隆拿係63分鐘由蘇亞西斯追成平手,66分鐘再由丹比利入球成功反勝皇家蘇斯達。相信呢個時候,華維迪最需要做嘅事情,係點樣將美斯嘅影響力由中場再帶番去對方嘅三閘線(Final-third)。

來源:Sport bible

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→