【洋蔥系列】四肢癱瘓小廠迷鍾情施治 獲安排見面情景動人 (有片)

森美爾足球勝地 於 18/09/2018 發表 收藏文章
9月15日(星期六)晚上一場英超聯賽事,阿仙奴以2:1擊敗紐卡素後繼續排第7,賽後結果相信令唔少槍廠迷感到滿意,而且三連勝嘅勇態使好多球迷都鬆一口氣。不過槍手們賽後都冇即刻走去慶祝,而係去咗畀特別驚喜一位小朋友。

施治係呢位小朋友心目中嘅英雄。

Gary Ormston's 個仔 Theo 喺一名四肢癱瘓及腦麻痺嘅小朋友,同時都喺阿仙奴嘅忠實Fans。今次 Theo 仔就被安排到同佢愛隊嘅球員作近距離接觸,一齊睇下佢哋見面時嘅感人片段啦,去片!

loading
loading


一眾槍手好似施治、奧斯爾及比爾連都有去同佢見面,其中奧斯爾更加係同佢傾咗一陣,一路捉住佢隻手!對於槍手們喺賽後畀咗一個咁大嘅驚喜佢,Theo 表示好窩心。能夠同施治、奧斯爾等等傾計,更加係相當奇妙嘅一日!

媽媽 Jodanna 就提到,其實施治曾經喺六個月前買咗一個助行器畀佢個小朋友,由果陣時開始就改變咗呢位小朋友嘅生活。

對於阿仙奴嘅支持者嚟講,呢個絕對係好感人嘅場面,相信呢個溫馨時刻,Theo 仔一定會好難忘!喺度祝福 Theo 仔一家生活愉快,爸爸媽媽亦可以保持到健健康康嘅身體,同 Theo 仔幸福快樂咁過每一日啦!

來源:Sport Bible

留言


請按此登錄後留言。未成為會員? 立即註冊
    快捷鍵:←
    快捷鍵:→