[K11出品] 曼聯K角度 – 硬米煮硬飯加紅菜頭伴碟的1分

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


曼市打比上演, 不過賽前曼聯兵源短缺, 繼有史摩寧, 鍾斯仍然養傷, 其後有馬達, 之後再黎洛荷及伊巴直情收咧, 最新傷兵加入了普巴! 如此恐怖的傷兵名單, 竟然於季尾出現! 摩連奴手上可用的兵源雖然足夠, 不過卻與最強正選陣容相差太遠, 硬米唯有只能煮成硬飯, 最終於賽事尾段更有爆炸頭費蘭尼領紅下, 幸保1分, 慶幸這碗硬飯最終沒有啃死各位曼迷! 爭前四的主導權, 仍然在手中!


陣容方面, 龍門繼續由迪基亞把關, 後防由華倫西亞回歸正選任右閘, 中堅拍擋只餘下拜利繼續配上白蘭特, 左閘為達米安。 防中由卡域克與靴里拉合作, 費蘭尼則以中場中的位置出現, 進攻方面則是米希達恩於右路及馬素爾在左路位置, 正前鋒繼續是拉舒福特。


今場波曼城共有20次射門, 共有6次中龍門, 多數射得很正中, 迪基亞可以一抱入懷, 最有威脅相信是9分鐘接應迪布尼傳中射中柱, 其後31分鐘阿古路再來一記禁區外的射門被迪基亞飛身接實, 此撲救盡顯功架, 姿勢分都拎埋, 真的希望迪基亞能繼續留在曼聯成為傳奇………….而曼城其餘的射門多數射高或射斜, 除了迪基亞, 曼聯今場波後防線的努力也是值得稱讚的!


後防方面, 正選右閘華倫西亞得到休息後復出, 今場明顯沒有太多助攻的機會, 不過亦能做到閘位應有的防守工作, 基本上沒有失位給了曼城的攻擊球員! 而左閘則是達米安, 一向防守比助攻好的他, 當然繼續以防守為主, 由於對手為史達寧, 馬素爾不時也要回防助守, 不過單計達米安的表現也是令人滿意的。


中堅方面, 拜利的表現繼續高水平, 多次攔截也非常到位而且犯規次數極少, 可以說是近乎完美的防守, 唯一一次被耶耶托尼用強壯身體壓過! 不過也過不了其拍擋白蘭特, 而近仗白蘭特的表現也是非常成熟, 雖然速度及身體對抗仍然是其弱項, 但包位的時間及準繩度頗高, 全條後防線今仗能保住迪基亞的清白之身實在值得一讚!


防中方面, 卡域克負責控制球隊的進守節奏, 多以駁腳為主的傳送, 負責穩住球隊的節奏! 另一防中靴里拉, 今仗繼續其今季高水平演出, 雖然今仗竟然偶有高章波出現, 但靴里拉多次截下曼城的傳送, 即使未能即時搶回控球權但已經令曼城的進攻缺乏流暢度, 而且完半場前更有一次能破門的大好機會, 44分鐘的時候, 拉舒福特扯出罰球, 落點於靴里拉的位置, 可惜一頂出界!


中場中的費蘭尼, 今仗成為了球賽的主角之一, 原先的工作是攔截曼城第一重進攻, 而其實最主要的工作是接迎由後場或迪基亞傳到中場的高空球, 多次能心口控定再傳給隊友! 不過其中對隊友傳送後的支援是缺乏的, 因為今場波沒有了普巴, 卡域克與靴里拉又要留後一格是專心做防守, 所以前場球員希望與隊友做配合時便只有費蘭尼可選擇, 尤以米希達恩中伏次數最多………..不過以今場防守戰術來說, 還可以接受! 可惜, 82分鐘一次技術犯規截下阿古路後領黃, 但曼城快開罰球, 費蘭尼再次侵犯阿古路後與其後角, 阿古路衝前與費蘭尼理論而費蘭尼正步入圈套, 費蘭尼輕輕用頭一向下, 當觸碰到阿古路, 阿古路便迎聲倒下, 戲路十足, 球証自然拿出紅牌, 費蘭尼便成為了今場波的紅菜頭! 阿古路的反應, 球証的舉動, 也是正常的, 怪只能怪費蘭尼自己的情緒未能好好控制了, 或者需要停賽3場的費蘭尼, 令曼聯兵源雪上加霜!


進攻球員方面, 右路的米希達恩其實於開賽初段似一名進攻中場或後上前鋒的角色, 相信是摩連奴希望開波初段讓米希達恩有後上射門的機會, 情況就如歐霸盃次回合米希達恩接應拉舒福特傳送所射入的入球的機會, 不過曼城沒有讓摩連奴得逞! 其後米希達恩轉回右翼的自由人身份, 不時控球後或向中場推進, 可惜缺乏支援與配合, 多次在其腳下失去控球權, 非戰之罪! 84分鐘因為費蘭尼領紅, 科素文沙入替米希達恩! 入替後的科素文沙, 主要集中在中場位置作攔截工作, 時間很快過去, 不過完場前一刻落地令肩膀受傷, 或者要加入長抖名單……….雪上加霜再加霜!


左路方面, 馬素爾今次多以單人匹馬的姿態出現在左路, 希望得到甜頭, 24分鐘時便因馬素爾左路突破成功後傳中, 令巴禾出迎失誤可惜其後米希達恩補射被巴禾接實! 其餘時間, 即使馬素爾能突破扭過一人, 由於缺乏支援, 曼城很快便有人包位, 同時不要忘記馬素爾經常出現於曼聯後半場助守的努力, 78分鐘由連加特入替! 連加特的功能, 明顯便是摩連奴放棄了用馬素爾突破的能力, 改為連加特全場飛的效率希望找到更多空間出來, 或者等待連加特有遠射的機會! 不過數分鐘後, 曼聯便少踢一人, 連加特的工作也作為了防守的屏障!


正前鋒的拉舒福特, 今仗面對奧達文迪為主, 明顯經驗不足, 開波初段已經多次被奧達文迪於踩界犯規下停頓, 拉舒福特只有投訴, 不過只能說句”少年, 你太年輕了”! 當然, 拉舒福特的速度真的飛快, 也曾有一點點甜頭, 不過也只能在外圍, 並未能威脅到曼城門將! 92分鐘楊格入替已用盡體力的拉舒福特, 讓楊格此名師兄去頂完場!

戰術分析方面, 今仗明顯地, 缺少了普巴, 中後場拎到波後, 也只能向前一腳踢, 而且位置與力度也欠缺! 是否懷念普巴的長傳嗎? 硬米自然只能煮出硬飯來, 摩連奴也深知此點, 唯有主守等待機會, 不過最緊要是不能落敗, 一來是曼市打比戰, 二來若然落敗, 對及後爭前四的機會又遠離了!

另一點可以留意的是, 摩連奴開波初段希望以馬素爾及拉舒福特於左右兩翼做突破, 米希達恩做後上入攝去找尋射門, 其想法是可行的, 只可惜曼城中場有費蘭甸奴與耶耶托尼雙防中出現, 米希達恩多次要面對此二人, 令米希達恩也相當沉寂, 但摩連奴其後馬上變陣, 再次期待機會的來臨! 或者大家會質疑, 這跟泊大巴有分別嗎? 再次強調, 只有硬米便煮硬飯, 不泊大巴, 難度與對手對攻, (有機會)踢場超精彩的賽事最後落敗或大敗? 理性一點, 現在聯賽的情況對雙方而言是一步也不能錯! 從哥迪奧拿要等到費蘭尼領紅才夠膽換入捷西斯來強攻便知一二。



聯賽繼續保留爭前四的機會; 歐霸盃已入四強, 多勝三場便取到西經! 不過傷兵問題真的嚴重, 而且賽期相對其他球隊頻密, 曼聯現時要靠的是團結及鬥志, 加上我們曼迷的支持, 各位加油!


鳴謝各位繼續支持K11的文字直播及即討區, 周日聯賽再見!

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

如果喜歡我們的文章,請即分享到︰

標籤: 曼聯  英超  曼城  伊巴  普巴  洛荷  摩連奴  費蘭尼  迪基亞  靴里拉  

留言

會員
我要評論
請按此登錄後留言。未成為會員? 立即註冊
  • L Lo Pang
    L Lo Pang 於 28/04/2017 評論 NO. 1

    尋晚真係表演到摩氏防守。泊大巴冇題,對方佔天時地利人和,同佢對攻就真係學界教練。近10年憑大巴都贏到歐聯都起碼2隊,但真係咁易守到咩。

  • 勒邦占士
    勒邦占士 於 29/04/2017 評論 NO. 2

    我覺得卡域克係曼城逼搶之下 在於控制節奏方面就麻麻 冇左普巴係中場用身位hold下波 真係出現問題 雖然佢成日拖慢左 但係大戰 就真係會想佢hold下波 好過一野斬上去 轉頭又俾人狂攻

  • Javier Kong
    Javier Kong 於 29/04/2017 評論 NO. 3

    "限米煮限飯" 呀大哥...唔好咁求其啦好嗎....

  • Kit Wing Leung
    Kit Wing Leung 於 29/04/2017 評論 NO. 4

    收貨,起碼摩佬有諗过点部署,係費蘭尼累事啫

  • Mark Hu
    Mark Hu 於 29/04/2017 評論 NO. 5

    爛米煮爛飯,濕有濕做

  • Jet Chong
    Jet Chong 於 29/04/2017 評論 NO. 6

    以前話軌就話泊大巴,而家就部署

  • Mark Hu
    Mark Hu 於 29/04/2017 評論 NO. 7

    摩年奴放逐禁多球員,沒輪換,沒費Sir既田忌賽馬,今日的困境都係佢造成既

  • Jeff Fong
    Jeff Fong 於 29/04/2017 評論 NO. 8

    明明係巴士狂魔,除左黃大仙巴禾甩手射左2腳好似沒咩射門

  • 蕭晞桐
    蕭晞桐 於 29/04/2017 評論 NO. 9

    Add oil, MU

  • Tony Chiang
    Tony Chiang 於 29/04/2017 評論 NO. 10

    曼城表面上係對手,其實真正爭第四名(記住係爭第四,唔係第三)嘅真正對手係死敵利物浦,一切都喺摩佬計劃之中!

  • Onefive Won
    Onefive Won 於 29/04/2017 評論 NO. 11

    佢完整陣容果時輸曼城
    而家爛陣和波 神級呀
    魔性越黎越強 j死人😖

  • 工藤新一
    工藤新一 於 29/04/2017 評論 NO. 12

    曼聯殘陣應戰,之後仲要顧慮打歐霸盃嘅比賽,所以摩連奴都唔夠膽搏,反正呢場打和搏一分對兩隊嚟講都係著數,能夠作客曼城唔失波,算係咁啦

  • Royce
    Royce 於 29/04/2017 評論 NO. 13

    K11: 我用硬米而唔係用限米, 原意想表達硬仗連場加陣容不整, 硬飯代表用保守戰術, 因為曼聯黎緊直到5月尾都係隔4日一場波, 仲要只有咁嘅兵源, 無得下下去盡!
    Sorry, 或者表達得唔好, 多謝讀者們的意見, 我以後會留意同講得再明白一點了!

  • Johnny Leung
    Johnny Leung 於 29/04/2017 評論 NO. 14

    摩連奴作客硬仗通常都係穩守突擊坐和搏一球。下半場直情唔攻

  • Mark Hu
    Mark Hu 於 30/04/2017 評論 NO. 15

    睇完今晚,D盲聯迷醒未?仲撐魔佬?

快捷鍵:←
快捷鍵:→