[K11出品] 曼聯K角度 – 雙巴殺聖人之主場勝仗

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


2016/17球季曼聯主場第一擊,迎戰聖人修咸頓,此戰為普巴回歸曼聯後首戰,而且仍是伊巴首次於主場跟各位曼迷見面嘅賽事,結果曼聯全憑伊巴與普巴上佳嘅表現,為曼聯帶來聯賽2連勝,完成雙巴殺聖人之主場勝仗。等我K11同大家一齊睇下呢場重現費SIR年代奧脫福氣勢之勝仗。


陣容方面,龍門繼續由迪基亞任正選,後防維持今季正式比賽一樣嘅陣容,由右至左分別為華倫西亞,拜利,白蘭特及梳爾,防中方面費蘭尼似乎深得摩連奴喜愛下,續任正選!其拍擋便是破轉會紀錄回歸曼聯的前青訓球員普巴!攻擊組合方面,馬達繼續正選上陣,配合朗尼及馬素爾,單箭頭繼續為伊巴謙莫域!


龍門迪基亞今場觸球甚少,而撲救也可能沒有出現,修咸頓11次射門只有1次中框下,迪基亞今仗最主要工作是開龍門球,傳波及賽前熱身。。。。。。神氣嘅說話說完,要留意迪基亞今季於曼聯可能不多撲救情況下,能否保持一向嘅冷靜及集中,此為迪基亞能否晉身成為世界首席龍門之重要元素,加油!


後防方面,右路嘅華倫西亞,向摩連奴旗下似乎重現費SIR陣內嘅助攻力,而且經過幾年右閘嘅磨練,其防守力比費SIR年代更加成熟,位置感也大為改善,現時華倫西亞已經成為英超其中一個難以突破及防範其助攻嘅右閘球員,今仗助攻繼續頻頻下,亦有不少有威脅嘅傳中球!當然也要讚賞一下馬達於右路不時嘅助守令華倫西亞可以更加放心助攻!

左閘嘅梳爾,今仗表現有所改善,可能倒戈戰令其鬥志更盛,更於禁區內搏得12碼!不論助攻及防守也有不俗演出,而且接近零失誤,與華倫西亞形成嘅2閘,令修咸頓未能於曼聯邊線位置得到一點點甜頭!


中堅拍擋方面,史摩寧其實已經任後備,但白蘭特嘅表現令其繼續穩坐今仗嘅正選之位,似乎摩連奴也要告訴史摩寧,他不是必然正選,也要努力令其表現壓過白蘭特!而且也令白蘭特嘅信心得以維持,令自己知道自己並非純粹替補球員,也有力一爭正選之位,當然其後場嘅穿越球質素亦有所提昇也是非常重要!
另一中堅拜利,其表現已說服曼迷對其給予信心,不過今仗缺乏一點表現機會了,因為修咸頓嘅攻力的確較為疲弱下,拜利只是維持其基本水平也已經足夠應付。


防中方面,費蘭尼繼續深受摩連奴重用下,今仗嘅表現再次回應摩連奴嘅信任,多次憑其身體質素成功攔截,而且犯規甚少,最重要嘅係,費蘭尼多次成功搶球後,亦能冷靜地把皮球交回自己隊友腳下,與以往做法是搶球後心急把球清走或亂踢一通極為不同,似乎摩連奴令其信心大增,另一因素也可能是將於下段出現的普巴。


另一防守中場便是大家極為期待其表現的轉會紀錄保持王普巴,大家都對其極高轉會費下是否能保持其水準,而且意甲水平與英超水平是否就能同樣發揮其實力,結果相信無令大家失望,普巴嘅控,傳,盤,射於今仗也表現出極高水準,其身體對抗性也非常強,要從其腳下搶波也非易事,而且當以為佢會盤扭嘅時候,卻已經非常爽朗地轉方向,普巴嘅出現,亦令曼聯中場中嘅轉變節奏,轉向能力大大提昇,整條曼聯中場線嘅速率也提高了。相信靴里拉,舒拉達連看到此表現,也明白自己應該更專心努力去搶費蘭尼的位置吧!


進攻球員方面,先說說左路嘅馬素爾, 我K11於今季開始便已留意其狀態與上季明顯有回落,而且也顯得有點心急,似乎於伊巴及米布達恩之加盟,馬達之穩定,拉舒福特之上位及上帝也暫時推不到朗尼之位置下,馬素爾也希望爭取多一點表現,不過欲速則不達,馬素爾今仗多次作嘅決定也較為心急!其實馬素爾於邊線開始推進及切入仍然保持其上乘嘅質素,根本不用過份擔心其表現絡比下去,反而如果可以做回上季的冷靜殺手,對馬素爾本身及球隊嘅幫助可能更大,不過此為其樽頸位,要等待自己去突破吧!
82分鐘由靴里拉入替,此動作只為讓馬素爾休息同時也希望靴里拉能控制曼聯節奏穩定,不用與對手再胡亂搏鎚下之調動!

今仗嘅馬達,表現未有如較過去2仗般突出,但卻變得穩定,與華倫西亞於右路之互補位置非常合拍,而且馬達也維持其勤力跑動,穩定便已足夠!於76分鐘由米希達恩入替,米希達恩於主場也與各位曼迷見面下,其表現也很突出,突破力與速度兼備,雖然摩連奴告知傳媒米希達恩遲遲未有正選之原因是戰術所需,但我K11卻反而覺得是摩連奴希望好好保護米希達恩嘅動作,一旦此名上季德甲最佳球員能於英超發揮最佳水平,值得期待!



進攻中場嘅位置繼續由隊長朗尼出任,今場賽事,雖然朗尼交出了第一個入球嘅助攻,傳送力度,位置都非常好,令伊巴可以發揮其碘上功夫破網而入,而且仍然非常勤力地跑動,但大家留意一下,當普巴能令曼聯整條中場線嘅節奏,變速加強時,朗尼仍然不時走到較後的位置想拎波,其實反而令中場中路有一點點阻塞!或者由於近季的中場線未能好好提昇曼聯嘅進攻質素令朗尼習慣了回後,而且與普巴未建立默契,但朗尼其後可以慢慢專心於中前場作為進攻中場嘅身份,多點協助伊巴可能令球隊整體進攻質素有更多嘅提昇,說實在的,我K11很期待當年朗尼,C朗,迪維斯的三叉攻擊!89分鐘由史摩寧入替,讓史摩寧踩一踩草皮,也讓朗尼接受主場球迷的掌聲!


伊巴謙莫域英超主場處子戰,果然呂布嘅霸氣及適應力真的很強,似乎已經融入了曼聯及摩連奴訂制嘅體系內,而且現在有普巴,似乎如魚得水,令其可以更安心於前場進攻,36分鐘接應朗尼底線傳中,伊巴便發揮其霸王硬上弓嘅威力,此入球與社區盾嘅入球極為相似,為球隊先開紀錄,其後梳爾搏得12碼下,伊巴操刀再鎖定勝局,個人梅開二度!雖然下半場伊巴可以爭取更多入球但未能把握不過2場英超入3球呢一個數字對於一名新加盟的34歲老將來說,非常不易,今仗被選為MOTM。





戰術分析方面,基本上現時攻擊模式非常流暢,由後場白蘭特開始,到中場普巴,再傳到前場各人控定,組織攻勢,而且速度比上季快了不少!不過有一點我K11想提出嘅係,朗尼與馬達,由上季開始,我K11已說,希望朗尼能重現昔日勇態,但此場賽事,普巴能於中場造到嘅組織力,的確令曼聯中前場可以更放心進攻,如果試試將馬達移入中路,朗尼於右路出現,讓馬達可以做更加創造性嘅攻勢及傳送,效果,會不會更好呢?不過無論如何,今季主場首戰便有如此氣勢,如果有睇直播嘅讀者,應該記得下半場曾經有一段時間,約60-75分鐘,曼聯有著狂攻的氣勢,多次入球機會出現雖然最終未能增添比數成3:0,但呢段時間,相信大家都感受到當年費SIR年代,各隊球隊作客來到奧脫福被狂攻下嘅氣氛!重現了,一輪急攻狂壓,令修咸頓透不過氣來!或者,這就是摩連奴的功力,或者這就是曼聯主場多年累積得來應有嘅氣勢,沉睡了3年,再次爆發了!


鳴謝支持K11文字直播及即討區嘅朋友,周六晚深夜再見!


Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

留言


請按此登錄後留言。未成為會員? 立即註冊
  • L Lo Pang 於 22/08/2016 評論 NO. 1

    睇到狂攻既時候真係好滾動。果種熱血先係曼聯

快捷鍵:←
快捷鍵:→