[K11出品] 曼聯K角度 – 完了吧, 如無意外! 歐洲賽說再見!

我地page 有大量轉會消息,精華,賽後分析/評分, 記得要時刻留意我地 Facebook!
https://www.facebook.com/RoyceMU/
仲會有個人精華,曼聯點將錄,全場錄影,曼聯家書等,你仲唔快d like?

曼聯今場波是一場背城借一的賽事, 一定要淨勝2球或以上才有機會反勝利物浦出線, 但3日後又要面對曼市打比戰! 賽前雲高爾說相信他與球隊, 仍有機會出線的, 但不知怎的, 我K11看到出場陣容, 卻覺得雲高爾有點隨遇而安的感覺, 能出線, 就好啊, 奇蹟出現了! 出局了, 也就說句”完了吧”! 而雲帥既目標似乎始終是3日後的曼市打比, 假若我K11的想法是真的, 是好是壞? 始勿論如何, 我地一齊黎睇睇呢場今季曼聯最後一場歐洲賽既表現之後說句”完了吧, 如無意外……………”


出場陣容出了一場小插曲, 賽前波夫域積遜是在18人大軍名單中, 而靴里拉與白蘭特是沒有入選今場陣營的, 靴里拉的缺陣, 已查證受傷了! 而白蘭特卻神奇出現在陣容中, 更加是正選名單內, 本身一眾對白蘭特有恐懼之球迷 ( 包括我K11 )也看出一道出線既曙光, 最後卻變得暗淡無光……………龍門為迪基亞, 後防由右至左為華利拿, 史摩寧, 白蘭特, 洛荷, 防中為卡域克及費蘭尼, 進攻線由連加特, 馬達, 馬素爾及單箭頭既拉舒福特出任!



迪基亞今場不需要上一場既精彩演出, 但其實也不少撲救, 特別是跟古天奴的個人對決方面更什, 雖然全場被古天奴一次突破後射近柱, 對於迪基亞既封位水準來說, 可能有點兒在水準之下, 但其餘時間其實不下一次封殺利物浦既射門, 特別是古天奴接二連三既射門, 所以對於迪基亞, 今場應該是水準之內既賽事。


右閘既華利拿, 相信今仗上了南美同鄉古天奴教導既一課, 完上半場前一次個人對決被徹底擊敗因而失球, 相信對華利拿日後成長也有著一定既經驗提昇。除此之外, 今仗華利拿都有帶患得患失, 青年人是需要經驗的。半場由久休復出既華倫西亞入替, 今場既表現明顯就是久休後既表現, 期望佢能慢慢操番起, 為右閘帶黎穩定既防守與助攻。


左閘既洛荷, 今仗表現一般, 防守上偶有漏踢, 而助攻方面則有點威脅, 傳交連加特頭鎚既一球及殺入禁區撞射可惜要避腳而唔中龍門既射門, 狀態似乎已慢慢回升不少, 61分鐘由達美安入替。入替後既達美安主要都要做防務既工作, 其實………我K11是預期達美安能正選上陣右閘的…………..


中堅方面, 史摩寧及白蘭特這對拍擋今次算防守得宜, 白蘭特既炸彈指數也有所下降, 如果雲帥要於周日既曼市打比繼續派出史摩寧守護白蘭特, 希望白蘭特能被史摩寧抖下就好喇! 至於白蘭特既突然出場, 仍是個謎……………………………..


防中方面, 雲高爾派出卡域克與費蘭尼, 收起小豬及舒拉達連. 其實此舉直接令我覺得雲高爾半放棄此場賽事, 而69分鐘由小豬入替卡域克也可以作為小豬小試牛刀既賽事, 始終小豬只是復出了很短既時間, 而今仗卡域克雖然有2次關鍵傳球, 但始終年紀與速度成為佢最大既障礙, 即使經驗彌補了不少, 但面對利物浦此類快速中場既球隊, 其實真的有點兒蝕章。

費蘭尼方面, 今場波其實有一次大好既頭鎚破門機會可惜仍然是把握不了, 而且於賽事進行期間, 其實我K11之前也有提及過, 費蘭尼既企位與走位與曼聯現時所打既戰術格格不入, 反而讓他乖乖待在中場中位置來防守可能更好, 不過此位置已經有我K11首選既舒拉達連及卡域克, 而他現在身處既位置, 其實小豬無傷無病, 一定是首選, 而如果要進取一點的話, 靴里拉也是這位置的合適人選, 如果下季仍是雲高爾執教, 他的未來有著一定的……..隱憂了。

進攻球員方面, 右中場既連加特, 今仗繼續表現一般, 18分鐘既頭鎚攻門未能為曼聯早早打開紀錄實屬可惜, 而其後既時候也不見得有太多既亮點, 但……他的表現也比馬達更好。今仗既馬達, 上半場即有一次大好既射門機會不過未能命中目標, 而今場波既傳球成功率及關鍵傳球次數也在水準之下, 也可能是今場波曼聯未能反勝既關鍵之一。


左路既馬素爾, 仍然是曼聯隊內最有威脅既球員, 只要是馬素爾控球在腳, 利物浦球員便得小心翼翼, 而32分鐘既12碼便是由馬素爾單騎闖入禁區被利記既右閘球員卡尼所踢跌, 結果馬素爾也親自操刀射入領先既一球, 為球隊與球迷帶黎十多分鐘能晉始既夢想。

單箭頭既拉舒福特, 表現未見突出但卻相當平穩, 可惜2次既射門均不中龍門, 其實都係時候讓呢位小朋友休息一下了吧。始終只是一名18歲的小伙子。


到了戰術分析, 如首段所提及, 當看到出場陣容, 特別是防中既位置, 我K11便覺得雲高爾口裡說爭取, 身體卻很誠實, 卡域克與費蘭尼既中場組合, 似乎是一場不要被大炒既組合吧, 即使靴里拉因傷缺陣, 既然此賽事最重要是上半場, 為何不先讓小豬出場搶中場, 壓著黎早早爭取入球呢? 上半場雖然領先一球大約十多分鐘, 卻於完半場前被古天奴既入球基本上了解了此場賽事。而下半場雲高爾也並未一如以往落後既預期, 換入迪比希望一改劣勢, 似乎也已經作好了出局既準備。



假如我K11所估計的想法是真的, 客觀一點, 其實也是合理的。 現時曼聯如此緊密既賽程下, 加上對手既實力也不是容易對付, 當然開賽前不能說已經放棄歐霸出線, 加上是死敵的利物浦, 相信雲高爾怎樣方仗也不夠膽! 要淨勝對手2-3球而且不能失波, 以今季既曼聯來說, 真的……….雲高爾自己知自己事了吧! 派出卡域克與費蘭尼既中場, 應不會被大炒一場, 但要翻身也似乎不太可能, 就用此場作為曼市打比既操練之戰……………就這樣, 曼聯於今季既歐洲賽事, 完了吧, 如無意外!


期待周日晚上 ( 周一凌晨 )與大家一起既文字直播加即討區, 希望曼聯踢番一場真正既爭氣波! 各位, 到時見!

我地page 有大量轉會消息,精華,賽後分析/評分, 記得要時刻留意我地 Facebook!
https://www.facebook.com/RoyceMU/
仲會有個人精華,曼聯點將錄,全場錄影,曼聯家書等,你仲唔快d like?

留言


請按此登錄後留言。未成為會員? 立即註冊
    快捷鍵:←
    快捷鍵:→