[隊長朗出品] 曼聯卡通+賽前小分析-反彈中的紅魔!! 曼聯 vs 史雲斯

比賽日我地會po 直播 link 比大家齊齊睇波, 記得要時刻留意我地既page!
https://www.facebook.com/RoyceMU/
仲會有賽後分析/評分,精華,個人精華,曼聯點將錄等,你仲唔快d like?

2016年1月2日 ( 周六晚上 )
( 主 ) 曼聯 vs 史雲斯
香港時間: 23:00

K11 賽前小分析+曼聯卡通系列



我K11向度祝大家新年快樂, happy new year!!! 新一年希望曼聯場場勝利, 朗尼早日入波, 雲高爾.....唔開心既野唔好提喇!

經過對戰車路士既賽事, 其實曼聯現時最大障礙是心理多於實力問題, 如果能發揮回此水準, 相信回復季初時既氣勢是絕對不成問題, 但始終我們外界不知道到底此心理問題的根源在哪? 因為雲帥仍未離任, 球員名單並無改變, 哪麼到底往後是否仍然能維持此心理狀態出戰呢?

我等球迷只能期待而已, 而我們可以分析既係, 只要未有再增加傷病名單, 黎緊主場迎戰史雲斯既賽事, 絕對可以以原班陣容出擊, 而連加特已肯定重投訓練場, 此子今季既優異表現已肯定了佢既存在價值, 只是傷癒後狀態成疑, 令一個有保留既球員便是迪比, 到底佢是否已正式擺脫了敗於史篤城既一記頭鎚回傳? 但最少後備出戰絕不成問題, 加上佩雷亞既BACKUP, 人腳已齊, 只餘下雲帥既排陣, 戰術要求與及球員落場既態度而已。


史雲斯方面, 今季大跌WATT, 現處護級位置既17位, 陣中射手高美斯及阿休將對曼聯後防做成極大威脅, 要知道今季首回合便是由此2名球員殺退作客既曼聯, 而其實我最擔心既, 反而係舒爾尼, 此子曾效力利物浦, 一直覺得其實力不弱, 所以曼聯必須多加小心其遠射或致命傳送, 另外施古臣既創造力也有一定水平。球隊近況方面, 近9仗只有1勝3和5負, 不過近況曼聯不見得有優勢, 而換帥後也已經取得首場勝利, 主場以1:0擊敗西布朗, 上仗則作客與水晶宮互無紀錄各得1分,

其實史雲斯與曼聯現在既情況同屬於谷底等待反彈之時, 如果以球員質素當然曼聯較有優勢, 但如此講求士氣既戰場, 2隊只屬於5/5波之情況下, 曼聯要取得優勢 ( 唔好以為我會講要取得優勢就要入波呢D廢話 ), 一定要以對陣車仔時既壓迫力來令史雲斯透不過氣來, 一舉進攻, 迎來真正的反彈。

比賽日我地會po 直播 link 比大家齊齊睇波, 記得要時刻留意我地既page!
https://www.facebook.com/RoyceMU/
仲會有賽後分析/評分,精華,個人精華,曼聯點將錄等,你仲唔快d like?
標籤: 曼聯  史雲斯  雲高爾  英超  朗尼  馬素爾  小豬  

留言


請按此登錄後留言。未成為會員? 立即註冊
    快捷鍵:←
    快捷鍵:→