[多奇出品] - 誰能代替般奴？ 精選

Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


上星期作客對維拉一仗，由於般奴停賽，所以坦哈格用雲迪碧克打攻中，可惜該仗雲迪碧克表現未達領隊同球迷心目中水平，曼聯亦都以1:3輸俾維拉。當然輸波唔可以單單埋怨個別球員，但佢的確要作出改善，增強自己各方面嘅能力，先至有機會再次踢正選。
參考般奴嘅踢法，睇吓點解般奴嘅作用大過雲迪碧克：

一、主動迎波，組織攻勢。般奴會察覺隊友幾時需要幫波，然後走位拉空對手，傳波、保持控球權。當般奴控球在腳時，佢就會用長傳、小組入涉、拉邊同遠射，來結束或組織攻勢。雲迪碧克可以嘗試自己同隊友做多啲短傳入涉，而唔係回傳俾隊友。仲有佢當見到隊友控住個波後，亦都會經常走最前，然後舉手叫隊友斬波，但係效果可以話係非常差。
二、中場搶迫、鞏固防守。般奴除咗策劃進攻，亦都會幫手喺中場做迫搶，雖然佢未必搶到對方腳下球，但佢可以打亂對手節奏，令隊友容易搶波。當然咁做除咗要體能好之外，仲要有鬥心同堅持。而雲迪碧克喺對維拉時，當對手進攻緊，佢只係喺中圈慢跑，好少會過嚟協防，令到對手可以鬆容地組織攻勢。依點雲迪碧克特別需要留意。
三、提示隊友，集中比賽。般奴經常會提點隊友點樣可以踢得好啲，減少失誤。同時間佢亦都會要求自己集中精神，處理好每一腳波。要兼顧隊友同埋要自己集中精神真係唔易。相對嚟講雲迪碧克好少提場，同埋佢唔知自己想點，只係舉手叫隊友斬波。其實，佢做攻中嘅工作唔單止要自己踢得好之餘，仲要配合同留意隊友，然後互相提點，從而提升大家嘅狀態。場波已經過咗去，失望總會有。大家希望雲迪碧克會俾啲好表現領隊同球迷睇，可惜幻想同現實真係唔一樣。依家希望佢吸收今場比賽嘅經驗，下次可以踢好啲。始終中場得般奴一個係唔夠，球隊需要更多人可以頂替佢嘅位置。


============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/