[多奇出品] - 阿士東維拉對曼聯賽後檢討

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


今場曼聯作客維拉以3:0擊敗對手,我哋一齊睇吓球隊今仗大勝嘅原因:
一、般奴搏得幸運嘅十二碼:其實維拉今場踢得唔差,佢哋憑住主場嘅優勢,再加上前場壓迫,而且更曾經喺中後場逼甩普巴同馬迪嘅腳下球,造成有威脅埋門機會,令曼聯上半場受到好大嘅壓力。好彩喺上半場中段,馬斯亞喺禁區頂橫傳俾般奴時咁啱俾對手截到改變方向,般奴即刻衝前加一個施丹轉身,之後就同後衛喺禁區內有碰撞,球證就吹咗十二碼。當然球十二碼值得商榷,但既然球證最後俾咗,冇理由唔射,最後般奴不負眾望一射破網,攞到領先優勢。
二、中前場陣式變化開始增加同純熟。維拉今場有備而嚟,曼聯未組織攻勢就已經做逼搶,當球隊打反擊時對方後衛就捕住馬斯亞、福仔同格連活特。就算有射門機會威脅亦都唔算太大。例如:馬斯亞喺左路嘅射門同埋格連活特推入中路左腳射嘅一球。不過,球隊並未有灰心,而且勤於走位,好似福仔同格連活特互換位置進攻。福仔同梳爾做叠瓦走位,而格連活特入嗰球就係般奴交咗個波俾佢然後就做叠瓦走右邊,擾亂咗對方後防陣式,製造空間,之後就格連活特交俾馬斯亞,馬斯亞橫傳翻俾佢,佢最後就左腳一帶右腳一射入網,依種射法已經係第二次用,但門將都無法睇穿。另外,球隊亦多咗好多小組進攻,例如:梳爾斬高波俾般奴可惜頂斜,福仔亦都喺左邊級過後衛然後斬俾雲拜沙卡頂頭搥,而下半場有般奴斜傳馬斯亞射中楣,所以當維拉後防開始有空位時,曼聯嘅組織亦都開始入肉。
三、般奴、普巴合作無間。首先講防守,對普巴嚟講係佢嘅弱項,但般奴唔較計自己係打攻中,不斷咁做搶逼同協防,彌補普巴防守上嘅不足。而普巴都好識做,雖然佢有進攻嘅能力同創造性,但佢適當嘅時候先至會參與組織攻勢,其餘時間佢都係靜靜等待機會。就係依兩位中場球員喺攻同守都能夠協調,所以先可以產生巨大威力。球隊入嘅第三球就係般奴假扮斬高波,原來最後係俾普巴,然後普巴把握自己僅有嘅機會射入,依樣亦都係筆者最想睇到嘅嘢,就係普巴攞番個入球觸覺。
四、維拉攻擊能力不太銳利。維拉尤其喺上半場表現唔錯,可惜有球馬莫特查斯古特射中柱唔入,如果唔係優勢會喺維拉度。不過,除咗嗰球之外,其他攻勢都未有特別大嘅威脅,防中馬迪、後防麥佳亞、連迪路夫加上兩閘雲拜沙卡同梳爾都能夠集中精神去做遮位、拖延同攔截工作。維拉亦都缺乏擁有衝刺能力同速度快嘅前鋒。而角球同死球方面亦都防守得唔錯,無俾對方喺龍門前製造混亂,所以無失波亦都係合理嘅結果。
雖然今場大勝對手,但希望前鋒可以再多啲利用高波,令攻勢變化可以更多。另外,之後一周兩賽,希望其他後備球員有個準備,應該佢哋出場嘅機會會增加,而普巴希望佢有更多波入。


============
RS一系列鎖匙扣已登場,除左有曼聯歷來最偉大領隊費Sir外,仲有伊巴同迪神添,想要?黎呢度啦: http://bit.ly/RSkeychain
============
如欲購買曼聯官方產品,可到RS與曼聯官方網店United Direct合作的連結: http://bit.ly/royceud1
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/


留言


請按此登錄後留言。未成為會員? 立即註冊
    快捷鍵:←
    快捷鍵:→