【曼聯Talk】淺談史摩寧落選英格蘭國家隊

【曼聯Talk】淺談史摩寧落選英格蘭國家隊

講少少世界盃嘅英軍陣容：
華舒福、連加特、鍾斯、楊格入選，係好正常；
而史摩寧落選，其實都唔係好意外姐～

有留意英軍嘅朋友應該睇過新聞，修夫基點名話史摩寧唔啱佢用，佢想要個有策應、控傳能力嘅中堅嘛！我就算係曼聯都承認「細緊」仲有好多要改善嘅地方，要快啲「變大個」。

個人唯一斟酌係，你唔選史摩寧即係有人比佢優勝啦，史東斯雖然喺拿樸迪加盟曼城後少咗上陣機會，你話佢仍有望成英格蘭新一代後防領軍人物；而卡希爾，除左老將經驗，其他地方真係信佢唔過，希望唔會有需要呢位老將出動⋯⋯

史摩寧原來都已經28歲（年尾29），處於當打之年，作為曼聯經常有上陣機會嘅球員但入選唔到，尋日討論艾達韋列達轉會消息，亦有不少球迷投史摩寧一票（係投佢OUT的票），的確替佢前景有啲擔心，但正面返少少，佢唔使踢世界盃，又有可能成為佢留喺曼聯並喺季初擔當後防重要角色增加唔少籌碼。
其實個人覺得史摩寧對曼聯都幾重要，你話佢唔穩陣、唔可靠，但佢都算係後防球員入面比較少傷患果個，球隊入得少波迪基亞居功至偉，但佢都有啲功勞吧。


好多人叫你走，我仍然撐你留
知恥近乎勇，抖完個暑假，就用表現證明俾大家睇你大個仔喇（但先要谷埋足總盃😂）紅魔仔

————————————————————————————————
曼聯Talk，一個專屬曼聯球迷的平台，同你一齊傾，一齊講曼聯嘅嘢！
曼聯Talk Facebook 專頁：https://www.facebook.com/redeviltalk/?ref=bookmarks