[ 轉會市場] 隊長落選國家隊 ! 隊長離開紅魔鬼 ? 朗尼的人生交叉點

藍斯有波講波 於 26/05/2017 發表 收藏文章
新一期英格蘭國家隊公佈 , 當中有不少引人注意的名字 , 如新臉孔有熱刺的右後衛捷比亞首次入選 , 但同樣有不少球員名落孫山 , 隊長朗尼再次落選 , 將會缺席之後對陣蘇格蘭的世界盃外圍賽和法國的友誼賽事。
而在此前 , 隊長朗尼前三場國家隊比賽因傷落選 ,最終英格蘭在此三戰 - 友誼賽對德國,友誼賽對西班牙,世界盃外圍賽對立陶宛 , 只取得1勝1和1負的成績

在大名單公佈後 , 不少傳媒也追問英格蘭領隊修夫基為何不選擇朗尼 , 而修夫基也直接了當說出了朗尼的問題 :

“本賽季英超有不少球員在朗尼的位置上表現出色 ,出乎意料 ; 如利物浦的拉蘭拿和熱刺的阿里 , 他們值得留在大名單上 ; 而在今年3月時 , 我已說過朗尼的狀況 , 他比賽時間太少了 , 大大影響他的狀態 , 雖然他近來的比賽時間多了 , 但你很難說服我選用他 , 而棄用比他更出色的同位置球員。”

記者同時問道修夫基是否代表朗尼國家隊的生涯已結束 ? 對此修夫基否應:

“不 , 看看迪福爾 , 他已34歲 , 也離開過國家隊 , 但當你表現好時,時機也合適時,國家隊總會再次向你招手,我相信朗尼的能力 , 他下季會回來表現得更好。”

下季 , 下季朗尼會在那? 仍會在曼聯擔任隊長嗎? 而在近日朗尼也公開表示已有他隊向他招手了。

“確是有不少邀請,當中有英超的也有海外的,我會在之後數週好好考慮,並和家人商量作出決定。”

“我是一位團隊球員 , 我仍然為成為曼聯的一份子感到自豪 , 而我也明白自已的處境 , 我不再年輕了 , 如果你問我現在的能力是否比十年前的那位朗尼更佳時 , 我會答你否 ; 但我相信自已仍可以為球隊作出貢獻 , 帶來榮譽 ; 坐在後備席上絕不好受 , 但我仍相信我自已有能力可以在每場比賽上陣。

而早在今年2月愛華頓領隊朗奴高文也談到朗尼的"回家:問題 :

“ 我相信朗尼的能力 , 至少仍可以在高水平的聯賽作戰兩至三個球季。我為他選擇留下(曼聯)感到高興 , 至少他仍相信自已 , 不放棄自已。”

“今季後的情況無人知曉 , 但我相信朗尼是那種會令拖肥糖陣容提升的球員 , 對於這種球員我們是十分歡迎他加盟的 , 當然取決權在於球員自已 , 如果他選擇留隊 , 我們也不會採取行動。”

('once a blue, always a blue')
對於會否回家 ? 朗尼也在近日暗示 :

“我至今只效力過兩支球會 , 而我也相信我球員生涯最後也只會效力兩支球會。”

離隊與否 ? 相信很快便會知道 , 朗尼和曼聯的合約至2019年夏季便結束 , 在球隊已淪為後備的他 , 正選位置已被隊友搶去 , 而在今夏也有不少球員和曼聯拉上關係 , 如馬體會的基沙文 , 愛華頓的巴克利 , 相信新球員的加盟也會大大促進朗尼的離開。

而在取得歐霸冠軍後 , 朗尼留隊與否的另一關鍵人物 – 曼聯領隊摩連奴也作出了評論。

“我已把引援名單交給了高層 , 他們也知道我喜歡那位球員 , 希望得到那位球員,簽與不簽取決於老闆 ; 朗尼的問題上 , 他是隊中的重要球員 , 他可以留隊 , 如果他下賽季留在隊中 , 我會非常高興。”

留在曼聯當隊長 ? 加盟愛華頓再闖一闖 ? 但博彩公司William hill卻開出了一個令人驚喜的賠率 – 中超


效力曼聯13年 , 打破隊史入球紀錄 , 幫助球隊奪得無數榮譽 , 英超冠軍 , 英格蘭足總盃 , 英格蘭聯賽盃 , 歐冠冠軍 , 歐霸冠軍 , 社區盾 , 那怕他離開 , 也會是無憾的接受曼聯球迷的掌聲離開。



請支持百分百香港出品的原創足球文章 - 藍斯有波講波 , 你的支持,我的動力
https://www.facebook.com/ramsdiscusshk

如果喜歡我們的文章,請即分享到︰

標籤: 朗尼  英格蘭國家隊  曼聯  

留言

會員
我要評論
請按此登錄後留言。未成為會員? 立即註冊
  • Hola Konichiwa
    Hola Konichiwa 於 26/05/2017 評論 NO. 1

    白皮豬

  • Jo Mo
    Jo Mo 於 26/05/2017 評論 NO. 2

    連格 高人工過 馬仔 和 福仔?!

  • Pat Chan Tak Ming
    Pat Chan Tak Ming 於 26/05/2017 評論 NO. 3

    仲有兩年合約??我以為一年…

  • Edward Lin
    Edward Lin 於 26/05/2017 評論 NO. 4

    佢去MLS嘅可能性有嘅大

  • 張晉軒
    張晉軒 於 26/05/2017 評論 NO. 5

    唔係26萬咩?

  • Ellson Chung
    Ellson Chung 於 26/05/2017 評論 NO. 6

    好粉嫩

  • Tseung  Wing
    Tseung Wing 於 26/05/2017 評論 NO. 7

    其實朗尼既年紀唔算老 只係他心態上處理得唔好 謝4好似佢咁大時仲好有表現
    心態決定境界

  • Tony Kwok
    Tony Kwok 於 26/05/2017 評論 NO. 8

    對德國同西班牙1和1負好差咩?

  • Yip Chong Sing
    Yip Chong Sing 於 26/05/2017 評論 NO. 9

    新特蘭歡迎你

  • 謝灌剛
    謝灌剛 於 26/05/2017 評論 NO. 10

    唔算太差,比起V92時代係積極咗好多

  • Chui Chi Wah Eddie
    Chui Chi Wah Eddie 於 26/05/2017 評論 NO. 11

    From 月巴

  • Allen Sung
    Allen Sung 於 26/05/2017 評論 NO. 12

    有乜交差點
    必經階段
    老啦嗎

  • Mandy Tam
    Mandy Tam 於 26/05/2017 評論 NO. 13

    滾到腳軟 ! 早D退休吧!

  • Jimmy Chiu
    Jimmy Chiu 於 26/05/2017 評論 NO. 14

    我覺得佢身體出現咗問題大D,無理由無態,仲算當打

  • @michael@
    @michael@ 於 26/05/2017 評論 NO. 15

    其實他在球會上仲有咩盃未攞? 雖然而家人工未能比球迷接受,但佢起到穩定軍心作用, 可以嘗試減人工續新約,佢都自己知自己事。

  • Samuel Ng
    Samuel Ng 於 26/05/2017 評論 NO. 16

    Expected

  • Ken Wong
    Ken Wong 於 26/05/2017 評論 NO. 17

    是的, 有點不明白, 伊巴36歲, C朗32歲, 仍然威風八面, 為什麼才32歲的朗尼, 會嚴重衰退至此呢?

  • Domanic Wong
    Domanic Wong 於 26/05/2017 評論 NO. 18

    雖然依家朗尼係開始下滑,但唔好忽視佢過去為球隊嘅貢獻,佢都曾經煇煌過😃不過如果佢肯減薪當然就最好啦😂

    利申:細個第一隊中意嘅波就係曼

  • Wai Hong Chan
    Wai Hong Chan 於 26/05/2017 評論 NO. 19

    執波都言阻頂

  • 陳迪
    陳迪 於 26/05/2017 評論 NO. 20

    始終今年出場咁少,冇得打國家隊真係唔算出奇!但我覺得月巴依然仲有貨交,但摩佬嘅打法,月巴真係冇咩出場機會~

  • Henry Lee
    Henry Lee 於 26/05/2017 評論 NO. 21

    摩佬都話留架,季尾狀態都唔錯呀

  • Andy Yung
    Andy Yung 於 26/05/2017 評論 NO. 22

    早出道打 box to box,出勤率又高,10年前外國d球評已經話咁打法好易殘

    一個攻勢走到自己禁區邊拎波後過里奧,斬上去轉頭已見佢跑到

    05年開季幾場斷過腳掌骨,右邊斬波被人 late tackle 踩中。嗰季出返黎感覺射波無咁行

    近幾季被批評得多,連以往既腳面遠射都少得多,改為內檔射波。有機會自己都唔射俾隊友,有時仲轉身背龍交後都唔射,信心都無埋

    from 曼聯迷,由朗尼拖肥處子戰睇到而家

  • Tin Cheong Kuan
    Tin Cheong Kuan 於 26/05/2017 評論 NO. 23

    雖然吾知點解佢會無態,佢曾幾何時都係曼聯攻線重心,佢不如學拿姆咁退休一係就轉會啦

  • Jerryyik Sin
    Jerryyik Sin 於 26/05/2017 評論 NO. 24

    如果佢要依家天價嘅高薪返母會,係根本無可能!起碼減一半週薪,愛華頓先支付得到。
    既然半薪,不如就主動要求支半薪留低,相信曼聯仲會留佢。起碼仲可能喺國家隊留一席位!

  • Daniel Cheong
    Daniel Cheong 於 26/05/2017 評論 NO. 25

    國家隊都係時侯退落離比D機會新人上、就算係入選都未必係正選、倒不如大方退下來享受係球會靜低既餘熱!

  • Nicholas Poon
    Nicholas Poon 於 26/05/2017 評論 NO. 26

    隊長,與其留喺曼聯打後備,不如去其他球隊打正選啦!總覺得你操返fit都會再有作為!感謝你多年對球隊嘅付出,為球隊立下嘅汗馬功勞!

  • Zeroau Au
    Zeroau Au 於 26/05/2017 評論 NO. 27

    有好多球迷 話肥仔今年出場小 好難有好表現

    其實另一方向諗 你有表現既話 點會唔係常規正選

  • Ryan Lee
    Ryan Lee 於 26/05/2017 評論 NO. 28

  • Jackie Valenciana
    Jackie Valenciana 於 26/05/2017 評論 NO. 29

    英超球隊最唔想見到離隊既球員係月肥,領隊係雲膠

  • Wing Chuen Kwok
    Wing Chuen Kwok 於 26/05/2017 評論 NO. 30

    朗尼係值得尊重嘅球員

  • Calvin Woo
    Calvin Woo 於 26/05/2017 評論 NO. 31

    怪得了誰?自己吾自律!勤力啲操又做吾到!

  • KaiKevin Leung
    KaiKevin Leung 於 26/05/2017 評論 NO. 32

    要再墮後一格踢,領先之下搵佢出黎調控節奏同埋分下邊都唔算太差。

  • 哲熙
    哲熙 於 26/05/2017 評論 NO. 33

    pink lin 😂😂

  • SMith Li
    SMith Li 於 26/05/2017 評論 NO. 34

    踢得差就預左。名氣吾可以用一世 心態吾改變連大後備都無

  • Terence Lam
    Terence Lam 於 26/05/2017 評論 NO. 35

    老實說係頂級重型大球會𥚃踢波而只得32歲都係咁身型真係有d難接受。

  • Alvin Ka Chun Ng
    Alvin Ka Chun Ng 於 26/05/2017 評論 NO. 36

    pizza姐: 迷人pink lin……@_@

  • Kyle Mak
    Kyle Mak 於 26/05/2017 評論 NO. 37

    佢入選先奇下話

  • 山崎
    山崎 於 26/05/2017 評論 NO. 38

    轉形唔成功係慘d既

  • Danny Tang
    Danny Tang 於 26/05/2017 評論 NO. 39

    打速度拼勁嘅球員...早熟早殘又一例子...之前有奧雲...依家就Rooney...希望福仔唔好步兩位C兄後塵啦!

  • Kaho Yu
    Kaho Yu 於 26/05/2017 評論 NO. 40

    愛華頓最多100k週薪 中超就500k 你話去邊

  • Ray Kong
    Ray Kong 於 26/05/2017 評論 NO. 41

  • Ray Kong
    Ray Kong 於 26/05/2017 評論 NO. 42

  • Lee Chee Lih
    Lee Chee Lih 於 26/05/2017 評論 NO. 43

    1.他如果改踢中锋~勤练传球~可能还可以再踢几年~
    2.finishing必须再训练~

  • Long Tin Chung
    Long Tin Chung 於 26/05/2017 評論 NO. 44

    身型走晒樣 傑志班鬼身型仲fit 過你 食老本落返雨
    下游球會食啦

  • Au Kenniel
    Au Kenniel 於 26/05/2017 評論 NO. 45

    Well, 遠赴中超再被踢斷腳

  • Pakman Wong
    Pakman Wong 於 26/05/2017 評論 NO. 46

    佢身型好似退左休咁

  • Tony Chung
    Tony Chung 於 26/05/2017 評論 NO. 47

    最鋒利的劍?都會有生銹的一天 😡

  • Mo Ho Wai
    Mo Ho Wai 於 26/05/2017 評論 NO. 48

    加油 肥

  • Ho Kei Wong
    Ho Kei Wong 於 26/05/2017 評論 NO. 49

    中超啱晒佢!

  • Kinwai Ivan Yu
    Kinwai Ivan Yu 於 26/05/2017 評論 NO. 50

    中超歡迎你 人仔好易搵吖

  • Adam Ng
    Adam Ng 於 26/05/2017 評論 NO. 51

    身為曼迷都同意佢走,對大家都好。好怕啲死忠成日講佢以前點,你都識講以前啦。今日現實係佢落場就阻慢晒節奏,大家又要比面佢,比佢分波,佢又唔得,自己上去攻,又攻唔到。佢而家落場做嘅野,好多隊友都做到,仲好過佢。摩佬上年唔攪佢,應該都係怕事多,一攪肥仔,隨時攪死自己。

    朗尼,你當年係好勁,多謝你,不過球場係現實的,你走,對你對曼都好,走吧。如果佢係傳奇就值得留,咁碧咸傑斯史高斯都係傳奇,又叫佢地落場? 唔好玩啦。

  • Andy Lai
    Andy Lai 於 27/05/2017 評論 NO. 52

    肥朗人工過高與表示不符

  • 李志明
    李志明 於 27/05/2017 評論 NO. 53

    好似加士居尼後塵

  • Ho Yin
    Ho Yin 於 27/05/2017 評論 NO. 54

    被世界遺棄不可怕

  • Chris Chow
    Chris Chow 於 27/05/2017 評論 NO. 55

    早熟早殘 (廢),跟奧雲一樣早啲羞珊是常識吧 !!! 😎

  • Thomas Li
    Thomas Li 於 27/05/2017 評論 NO. 56

    踢法注定早熟早殘。
    最美的十年俾左紅魔,捧過咁多杯都無憾吧。

  • Felix Long Yin Yu
    Felix Long Yin Yu 於 27/05/2017 評論 NO. 57

    已經俾左幾季時間佢轉營,但可能佢自己都無好好把握機會,或者本身技術所限,一無體力啲缺點出哂黎。身為曼聯的長期球迷,其實我覺得 Rooney 是球會復興的一大障礙。費 Sir 最後一季已睇到 Rooney 走下玻,系重要賽事雪藏佢,但來不切清走佢就退休。之後系 Moyes 時期以天價續約。但有佢在場令到隊波節奏嚴重拖慢,很多新買番黎的球員如 De Maria, Falcao, Mata 都要跟佢節奏踢。當然佢系2012年之前,尤其是 C朗走了以後隊曼聯做出了很大貢獻,但都是幾季而已。由13至現在他的貢獻是負數。因此他算是對曼聯無拖無欠啦,但稱不上是 legend (我本人意見)。稱得上 legend 的是 Cantona, Giggs, Scholes, 等等。Ronney 頂多系眾多巧合下可以留系曼聯比較長時間而已,有貢獻亦有破壞,任何時期無咗佢對曼聯不會有太大影響。

  • 鄭詩陶
    鄭詩陶 於 27/05/2017 評論 NO. 58

    去中超喇。呢個世上再無一個聯賽人傻錢又多。

快捷鍵:←
快捷鍵:→