國際賽期翻嚟之後，英超嘅賽程亦係我地球迷餓左兩個禮拜之後排得特別精彩。今輪就有兩場打吡，默西賽德郡打吡，再加倫敦打吡，就咁聽個賽程都夠哂精彩，但聽埋呢啲比賽發生嘅事就發現比字面上更加精彩，上集就先講頭場嘅愛華頓對利物浦。
愛華頓今季係升Lv之後，係James帶領下表現強勢，睇嚟都好大機會如我係第二期所講成為頭六嘅佼佼者。相信愛華頓球迷都對今次對碰好期待，事關佢地對上一次贏到呢場打吡就要追溯到一零年，等足十年今次球隊準備得相對好，自然有所期待。
雙方陣容上慶幸兩邊都無受到特別嚴重傷患困擾，要比較就利物浦傷兵叫比較多，正選門將Alisson，Keita同Chamberlain因傷各自因傷病缺陣，但都可以排到個唔錯嘅陣容岀戰，新加盟嘅Thiago亦因為咁有機會正選上陣，繼續交到唔錯表現，隊長Henderson回歸亦活力充沛，多次走上走落係球隊需要嘅位置岀現，右路亦因為佢嘅活力攻守平衡。陣式上雙方都排岀433，唯一唔同嘅係愛華頓係防守嘅時候更偏向似442，以就翻James少回防嘅習慣，亦有利球隊做好防守。而打法上，利物浦相對採取較高壓踢法，封鎖對手中場線上輸送，阻止後場輕鬆build up，迫到pickford成日大腳上去，再去力搶second ball黎重做攻勢，減低對手傳球成攻率，造就控球率佔優局面。愛華頓係呢個情況下雖受壓，但透過簡單連結走反擊亦幾次威脅到對手後防，特別擅用兩邊走廊後嘅空位去開啟反擊，再打對方身後空位， 追和2:2個球就係最好嘅例子，成攻把握到Arnold失位，俾Digne睇定嚟斬。James就係攻勢當中至關重要，每次佢攞波紅衫都要驚，而佢死球處理上亦有一手，唔少攻勢係係佢帶領下輸岀。有傳皇馬高層見到佢咁好表現唔係好滿意點解可以無用好佢仲要就咁放佢走，令自己搵少一筆，的確有少少水魚嘅味道，只能怪施丹對James偏見太深。呢場比分2:2，四個入球，但相信大家都同意呢四球並唔係重點，而係判決處理上，所以都想係今次報導著眼係呢方面上。首先想帶出一點，我絕對同意Pickford係開波早段對住Van Dijk呢下收山腳完全改變呢場波嘅結果。呢次係呢下衝撞後，平時有咩碰撞都企得翻身嘅硬漢子Van Dijk都真係頂唔住受傷離場，換入嘅就係中堅Gomez，然而諷刺嘅係呢場愛華頓兩球嘅入波都係靠高空波爭頂而入，一次就靠角球，另一次就黎自Digne明買明賣斬入禁區，好難唔令人諗翻起若果Van Dijk仲在場嘅平行時空，完美展現到我標題所講早段嘅越位背後所帶來嘅蝴蝶效應。講翻Pickford呢下，球證就好似因為VAR指Van Dijk越位而無做任何處罰，係電視上亦只見VAR check嘅只係有無越位，無就判翻十二碼，好似就完全無視左Pickford呢下犯規嘅嚴重性。而係所謂劃完線後見到進攻方越位就無左下文，作為觀眾嘅我地亦無見VAR有提示主球證需要重新慎重審視呢下犯規，實在令人難以接受。越位後只能話呢球進攻上所建立嘅一切不成立，但呢下明顯地去膝頭嘅犯規係確實地存在，危害球員安全，獨立紅牌處理我認為係有需要。不過英超事後就話，當時VAR即場都有審視埋有無紅牌，亦確認唔係一個需要紅牌犯規，所以就唔洗另外處分Pickford，似係想就咁close file，至於呢個講法嘅真假就見仁見智，我個人亦有所保留，似係官方用左兩日之後一個保護到主球證同VAR公信力嘅打圓場嘅方法。去到尾段VAR就繼續搶焦點，利物浦一度以為成功尾段2:3絕殺對手，但就又係所謂嘅劃線之後判定文尼唔知邊一忽越位，我之所以話唔知邊一忽係因為到依家呢一刻我依然係睇唔透係咩原因越位，就好似英超VAR上無左「平排」呢兩個字，相信其實咩解釋都好都無辦法洗走呢個笑話，亦令利物浦今場係損兵折將下仲要失分，衛冕之路係今季各隊競爭力平均下更為崎嶇。最新消息就指Van Dijk今次傷勢比較嚴重，一隊中堅人選就只得翻Matip, Gomez，若果唔係冬季轉會窗上補翻個人，隨時係再傷多個下就無人用，前面入幾多都唔夠失。最後就希望Van Dijk可以早日康復快啲強勢回歸，已經29歲嘅佢其實都無咩時間可以浪費啦。如果唔想睇咁多字嘅歡迎去我Youtube channel 係個到我會用聲音同大家報導，翻工撘車聽就最岩啦！記得訂閱同開通知就唔會錯過我嘅賽後報導啦！
https://www.youtube.com/channel/UCFljyz_WSzX9CzmoP6UO4Jw
愛華頓今季係升Lv之後，係James帶領下表現強勢，睇嚟都好大機會如我係第二期所講成為頭六嘅佼佼者。相信愛華頓球迷都對今次對碰好期待，事關佢地對上一次贏到呢場打吡就要追溯到一零年，等足十年今次球隊準備得相對好，自然有所期待。
雙方陣容上慶幸兩邊都無受到特別嚴重傷患困擾，要比較就利物浦傷兵叫比較多，正選門將Alisson，Keita同Chamberlain因傷各自因傷病缺陣，但都可以排到個唔錯嘅陣容岀戰，新加盟嘅Thiago亦因為咁有機會正選上陣，繼續交到唔錯表現，隊長Henderson回歸亦活力充沛，多次走上走落係球隊需要嘅位置岀現，右路亦因為佢嘅活力攻守平衡。陣式上雙方都排岀433，唯一唔同嘅係愛華頓係防守嘅時候更偏向似442，以就翻James少回防嘅習慣，亦有利球隊做好防守。而打法上，利物浦相對採取較高壓踢法，封鎖對手中場線上輸送，阻止後場輕鬆build up，迫到pickford成日大腳上去，再去力搶second ball黎重做攻勢，減低對手傳球成攻率，造就控球率佔優局面。愛華頓係呢個情況下雖受壓，但透過簡單連結走反擊亦幾次威脅到對手後防，特別擅用兩邊走廊後嘅空位去開啟反擊，再打對方身後空位， 追和2:2個球就係最好嘅例子，成攻把握到Arnold失位，俾Digne睇定嚟斬。James就係攻勢當中至關重要，每次佢攞波紅衫都要驚，而佢死球處理上亦有一手，唔少攻勢係係佢帶領下輸岀。有傳皇馬高層見到佢咁好表現唔係好滿意點解可以無用好佢仲要就咁放佢走，令自己搵少一筆，的確有少少水魚嘅味道，只能怪施丹對James偏見太深。呢場比分2:2，四個入球，但相信大家都同意呢四球並唔係重點，而係判決處理上，所以都想係今次報導著眼係呢方面上。首先想帶出一點，我絕對同意Pickford係開波早段對住Van Dijk呢下收山腳完全改變呢場波嘅結果。呢次係呢下衝撞後，平時有咩碰撞都企得翻身嘅硬漢子Van Dijk都真係頂唔住受傷離場，換入嘅就係中堅Gomez，然而諷刺嘅係呢場愛華頓兩球嘅入波都係靠高空波爭頂而入，一次就靠角球，另一次就黎自Digne明買明賣斬入禁區，好難唔令人諗翻起若果Van Dijk仲在場嘅平行時空，完美展現到我標題所講早段嘅越位背後所帶來嘅蝴蝶效應。講翻Pickford呢下，球證就好似因為VAR指Van Dijk越位而無做任何處罰，係電視上亦只見VAR check嘅只係有無越位，無就判翻十二碼，好似就完全無視左Pickford呢下犯規嘅嚴重性。而係所謂劃完線後見到進攻方越位就無左下文，作為觀眾嘅我地亦無見VAR有提示主球證需要重新慎重審視呢下犯規，實在令人難以接受。越位後只能話呢球進攻上所建立嘅一切不成立，但呢下明顯地去膝頭嘅犯規係確實地存在，危害球員安全，獨立紅牌處理我認為係有需要。不過英超事後就話，當時VAR即場都有審視埋有無紅牌，亦確認唔係一個需要紅牌犯規，所以就唔洗另外處分Pickford，似係想就咁close file，至於呢個講法嘅真假就見仁見智，我個人亦有所保留，似係官方用左兩日之後一個保護到主球證同VAR公信力嘅打圓場嘅方法。去到尾段VAR就繼續搶焦點，利物浦一度以為成功尾段2:3絕殺對手，但就又係所謂嘅劃線之後判定文尼唔知邊一忽越位，我之所以話唔知邊一忽係因為到依家呢一刻我依然係睇唔透係咩原因越位，就好似英超VAR上無左「平排」呢兩個字，相信其實咩解釋都好都無辦法洗走呢個笑話，亦令利物浦今場係損兵折將下仲要失分，衛冕之路係今季各隊競爭力平均下更為崎嶇。最新消息就指Van Dijk今次傷勢比較嚴重，一隊中堅人選就只得翻Matip, Gomez，若果唔係冬季轉會窗上補翻個人，隨時係再傷多個下就無人用，前面入幾多都唔夠失。最後就希望Van Dijk可以早日康復快啲強勢回歸，已經29歲嘅佢其實都無咩時間可以浪費啦。如果唔想睇咁多字嘅歡迎去我Youtube channel 係個到我會用聲音同大家報導，翻工撘車聽就最岩啦！記得訂閱同開通知就唔會錯過我嘅賽後報導啦！
https://www.youtube.com/channel/UCFljyz_WSzX9CzmoP6UO4Jw
請按此登錄後留言。未成為會員? 立即註冊