改變係場上十一個人嘅事並非寄望一人扮演超級英雄 [曼聯0:0狼隊賽後感]

英超講場 於 02/02/2020 發表 收藏文章
千呼萬喚,般奴費南迪斯轉會曼聯嘅肥皂劇終於係冬季轉會窗完美落幕,並係琴晚對住狼隊嘅賽事正選上陣,正式開展係紅魔鬼嘅生涯。
先講有新人加盟作為焦點一方嘅曼聯,BF係加盟無耐就即刻上場都令人幾意外,不過我個人都明白蘇B用意,始終佢最大優勢嘅就係視野,擺佢落進攻中場可以話即食佢嘅優點,為曼聯係面對狼隊三中堅五後衛嘅密集防線時帶黎創造力,打開缺口亦可以有一個人控制節奏。當然同隊友嘅默契並非唔重要,只不過要數陣中最適合踢攻中嘅球員就只有佢同馬達,而馬達又經常俾蘇B用黎踢側邊,所以即刻擺B.F落正選又並非唔合理。作為第一場亮相,小編認為B.F自己知道被寄以厚望唔多唔少係主場球迷前有啲緊張,無辦法好似係士砵亭咁瀟灑,但實屬人之常情,我個人理解呢個原因,球迷們不坊睇多幾場再作評論都唔遲。雖然話就話佢未到最佳狀態,但有佢作為曼聯嘅cam就已經可以見到分別,傳球同走動嘅合理性比過往經常踢呢個位嘅連加特合理得多,不但有一兩次有威脅嘅遠射 亦都可以睇到佢有一兩球幾毒嘅傳送,只可以話短短一場就可以肯定曼聯有佢係陣中百利而無一害,既不缺普巴嘅視野又不會有普巴,連美斯嘅不合理選擇。
有人或者會問,既然B.F.好似你講到咁好,點解曼聯今場踢落都好似無太大起色,甚至驚險鏡頭比對方多?咁呢個就係因為曼聯場上十一個人嘅問題啦,現今往往有唔少人都希望球會透過重點收購,從而立刻改變球隊,如果收購完都無起色嘅就責怪新人無料到。然而,要改變係十一個人同教練齊心做嘅事,要講一個球員有無料到係應該睇佢為球隊每一個細節帶黎嘅好處,當然就算有好處都唔代表會幫到球隊改善,但同時唔代表個位球員實力不足。呢個道理雖簡單,就咁講個個都會明,但現今足球界文化入面又好諷刺地展現岀呢個道理並唔係個個都明。同埋係今場,我地可以見到BF上半場會係較前嘅位置參與進攻,連結入禁區,效果唔錯仲有機會俾佢試到一兩腳有睇頭嘅遠射,而下半場蘇B就安排佢墮後少少,多數時間就中後場派牌做分波,令到佢半隱形,無咩機會俾佢發揮佢優點,希望蘇B會留意到,今次當試完就算。所以,球員有時有料到都好,仲有好多因素影響整體及最後結果,連佢自己都未必控制到。
曼聯今場情況亦一樣,困擾住紅魔鬼嘅問題繼續存在,球員走動比較少,唔會有意識地幫波現位,令到進攻不時會因為咁拖慢節奏,後知後覺現位後又經已失去最佳時機。另外就係馬仔作為中鋒技術層面不足嘅問題,雖然狼隊有方向地針到單箭頭嘅佢,令佢有時攞波後無得順利轉身,3個中堅輪流招呼佢。但無可否認如果有睇多佢兩場嘅球迷都會應該留意到佢仲係缺一位中鋒所需嘅觸覺同技巧,以前踢邊嘅佢帶黎嘅威脅好似比依家大,呢個就真係睇下蘇B仲會願意俾佢試呢個位試幾耐,定還是會用上最新一員恩哈路取替佢啦。最後不得不提嘅就係曼聯處現死球防守嘅弱點,其實今場面對對方身材比較高大嘅對手,曼聯應該了解到呢個威脅至係,但係防守對方角球死球嘅時候都唔見有啲咩針對性部署,相反對方就蝦你比較矮嘅幾點唔係迪基亞嘅封門有機會就會係呢啲細節位輸一球岀去,已經夠哂原因令佢地全失三分。還望蘇B可以認真對待球員走位及死球防守嘅細節位,等球隊係下半季減少失一啲冤枉波,保住球迷們想要嘅歐戰席位。亦都可以借提升成績減輕B.F所承受嘅壓力,否則係責怪文化下,BF有機會成為曼聯成績差嘅祭品,唔單肯影響佢係球隊前途,仲會為佢帶黎陰影對佢自己球員生涯都會有負面影響。


留言


請按此登錄後留言。未成為會員? 立即註冊
    快捷鍵:←
    快捷鍵:→