英超球隊分析(二) 曼城(下)

英超球隊分析 於 23/12/2017 發表 收藏文章
上回講完曼城現有人腳,今回開始講下曼城既戰術。

哥迪奧拿係巴塞隆拿已經係一個戰術大師,佢所祟尚既TIKI TAKA 流行左一段時間,到曼城今季可以話係升級版既TIKI TAKA。

IMG_5028 by gaming Lung, 於 Flickr

上圖係今季曼城經常排出既陣式,以中場兩個核心串連整個球隊,加上兩翼配合,值得一提係史達寧狀態大勇下,球隊攻力大增。

IMG_5027 by gaming Lung, 於 Flickr

以上就係今季曼城大部份進行既走位,兩閘收入中間,令到中間經常會以人多及走位配合下,尋找到空位。另外因為兩閘無做出慣用既疊瓦式助攻,令到兩翼能夠有空間作出單對單攻擊。

兩閘塞住中間,一黎可以用黎減慢對方反擊速度,二黎亦可以令兩個中場核心(迪布尼、施華)可以放心進攻

這個TIKI TAKA 升級版,未知在 班捷文.文迪 復出後會否有所改進或升級,因為始終文迪左路傳中極具級數,而另一位善於助攻既 獲加,係熱刺時期每次進攻都會前插,幫助球隊進攻,但轉投曼城後明顯留係後場,可以利用佢既速度以阻止對方快速反擊。

哥帥帶領曼城奪得半程冠軍(基本上今年英超都袋左大半隻冠軍),另一目標一定係歐聯,16強抽得上上籤、對上瑞士球隊 巴素利,相信今年目標會係4強,要對抗巴黎、巴塞、皇馬等等歐洲列強好似仲差少少,但經過冬季及夏季轉會後,相信可以衝擊英超及歐聯。

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→