曼聯守將鍾斯: 一代宗師回歸

NGSICKBALL 於 05/01/2022 發表 收藏文章
講起曼聯個鍾斯,你會諗起:

佢d表情
飛落地用個頭去攔截對手
傷左好耐,白逗兩年人工既高級文員
定係佢開角球既場面?

鍾斯係現時曼聯陣中僅有既費sir班底之一(另一個係迪基亞)。2011年,費sir欣賞鍾斯既拼搏精神同領導後防能力,就將呢位年僅19歲既小將由布力般收歸麾下。佢踢法強悍硬朗,頂上功夫同身體質素都唔錯。當時曼聯後防有里奧費迪南同維迪兩位球王級中堅坐鎮,但擔當輪換角色既佢,仍然被球迷寄予厚望。

可惜,自從鍾斯喺12-13球季為曼聯贏得最近一個英超冠軍之後,一直飽受嚴重傷患困擾。佢逐漸失去領隊歡心,球隊名宿同球迷對佢既支持同耐性都隨住時間一一耗清,職業生涯就陷入低谷。其實2012年開始,佢膝頭既傷患問題浮現;去到2015年,傷患日益頻繁而且嚴重,一季內從未試過踢多過30場;2019年佢接受膝頭手術,一抖更加長達454日。曼聯嗰年用14萬鎊週薪同佢續約既因,亦都種下佢呢幾年嚟慘遭謾罵同唾棄既果。當然,呢個係management問題定球員問題,球迷自有公論。

受傷、治療、復康、再次受傷,不斷循環,轉眼已經六年光景,鍾斯都步入而立之年。去到2022年,終於復出,喺主場對狼隊既聯賽正選上陣。雖然球隊最後因為災難表現落敗而回,但佢係隊中唯一一個可以昂首行出球場既人。闊別英超賽場707日,表情依然咁肉緊,防守上嚟仍然係咁奮不顧身。見倒熟悉既身影去指揮後防,見倒飛沙劈石既爭波畫面,一代宗師終於返嚟啦!

————————

中意睇我文章既
記得follow我Instagram @ng.sickball
標籤: 英超  曼聯  鍾斯  

留言


請按此登錄後留言。未成為會員? 立即註冊
    快捷鍵:←
    快捷鍵:→