海外分析:寶刀未老,細說四名 34歲依然馳騁沙場的英超名將

對不少利物浦球迷而言,今季將會係值得珍貴的一季,原因係今季將會係隊長謝拉特最後一季代表利物浦馳聘英超沙場,今季結束後謝拉特會離隊加盟美國洛杉磯銀河,相信對球迷而言絕對係一大損失。

即使如此,今季不少利物浦球迷對隊長的表現有所微言,主要因為謝拉特係防守上明顯因年齡及體力無法滿足九十分鐘比賽,鏟截、反應及迫搶等都因體能而不及另一防守中場盧卡斯,加上進攻上表現大不如前,因此有球迷認為謝拉特已經廉頗老矣,不過事實是否如此?
雖然謝拉特的確已經 34歲,但更最重要的係領隊用人、球隊踢法等影響了謝拉特表現。以下比較了英超除謝拉特以外其他幾名英超名將如林伯特、史高斯、傑斯等係三十四歲時比賽場上的一些數據,可以發現謝拉特場上表現下降的原因。



林伯特、史高斯、傑斯等都係英超公認即使年過 30依然表現出色的名將。林伯特今季以 36歲之齡代表曼城依然能夠取得 5個入球,傑斯甚至係 40歲時依然可以代表曼聯上陣比賽,表現更比不少當打球員更勝一籌,問題係如何令老將保持優秀表現。



上圖為四名英超名將包括林伯特、史高斯、傑斯及謝拉特係 34歲時場上的數據表現比較。相比其他三人,明顯可以見到謝拉特上陣次數遠遠比其他三人多,而係入球方面,林伯特 34歲時係迪馬堤奧及賓尼迪斯麾下以 15個入球成為四人中入球最多的球員 (當中僅有五個十二碼),比其他三人都明顯更多。而係助攻方面,傑斯則以六次助攻成為四人中的助攻王。(註:謝拉特的數據不包括 2015年的比賽數據)



上圖則比較了四位名將係 34歲時英超的場上數據表現,不過更重要的係大家可以留意得到四人的出場次數、總上陣時間等。以史高斯為例,係 2008/09球季當時史高斯 34歲時,史高斯係英超上陣廿一場,不過當中有六次中途被換出,另外有七次係後備上陣,即係整季只有八次係踢足整場比賽。而 40歲依然能夠上陣比賽的傑斯當年雖然上陣次數和謝拉特一樣超過三十場比賽達三十一場,不過當中接近一半的十四場比賽是後備上陣或被換出,因此總上陣時間依然不及謝拉特。

相信球迷都可以明顯看到對比其他三名英超球員,謝拉特係總上陣時間明顯遠遠較多,甚至比第二上陣時間的傑斯多約一千分鐘,比上陣時間最少的史高斯多近二千分鐘。如果假設一場九十分鐘比賽,謝拉特一季比他們多近十一場比賽至廿二場比賽左右。
另外除了總上陣時間,林伯特、史高斯、傑斯都有約一半的比賽是在中途被換出或後備上陣,相信當時領隊目的都係盡量避免讓已經 34歲球員經常踢滿九十分鐘比賽。但相反係圖表中明顯見到謝拉特英超上陣三十八次比賽中只有三次係以後備上陣,即係其餘三十五英超比賽謝拉特都是踢足全場九十分鐘比賽。

對比之下明顯可以見到係同年齡情況下,謝拉特係上陣時間遠較其他三人多,而且更多情況是踢足整場比賽,除非謝拉特體能遠遠比其他三人優勝,否則球迷應該可以明白謝拉特表現下降的原因。



除了比較四人係34歲表現之外,如果比較林伯特、史高斯、傑斯 35歲時英超表現球迷更可以發現三人中除了史高斯總上陣時間比 34歲時多以外,其他兩人林伯特或傑斯他們係 35歲時總上陣時間都明顯下降,三人超過一半時間都是以後備上陣或下半場被換出,明顯可以見到當時領隊費格遜或摩連奴對保留老將體力及球員職業生涯下了一番功夫。

總括而言,隨著隊長謝拉特已經 34歲,球隊應該盡量避免讓謝拉特經常上陣比賽,而是應該減少上陣時間之餘亦盡量係以後備身份讓謝拉特上陣,相反如果以後備身份上陣一場比賽只踢三四十分鐘左右,係體力不輸場上球員同時謝拉特亦能憑經驗將表現發揮到最好,避免這一兩季有時謝拉特下半場體力急速下降而係防守上有心無力的情況,特別英超是以體力化及身體對抗見稱,對老將可謂一大考驗。




覺得小弟寫得都 ok的話或者想要更多 Liverpool資訊,可以到 facebook 專頁按個讚,支持下啦。
https://www.facebook.com/myheartisredlfc

標籤: 林伯特  謝拉特  傑斯  史高斯  

留言


請按此登錄後留言。未成為會員? 立即註冊
  • lurk 於 16/02/2015 評論 NO. 1

    從早前幾個月既訪問,謝拉特仙人不接受咁既安排。加埋羅渣士想用盡佢咁,咪……

快捷鍵:←
快捷鍵:→