原創分析:傳球、傳球、傳球,仔細分析羅渣士心目中的理想防中

今季快將完結,利物浦係今季攻不銳之餘防守亦非常差勁,要不是米勞列係下半季回勇,相信成績更慘不忍睹。係防守中場位置即使盧卡斯防守表現出色,但係在羅渣士陣中依然並非必然之選。甚至有傳言盧卡斯有可能係季尾離隊,相信不少利物浦球迷都對此感到非常錯愕。

其實係前季當時已經有不少利物浦球迷見到球隊係防守中場位置出現問題,毫無疑問盧卡斯表現非常出色,場均鏟截次數 Tackles一直都係英超前列,但盧卡斯容易受傷加上受傷後速度已經明顯下降,不少利物浦球迷早已要求球隊購入多一名出色防守中場替補,但到今季為止領隊羅渣士或轉會委員會依然無動於衷,莫非一名英超領隊竟然睇唔到眾多球迷見到的問題,還是另有原因?

係分析利物浦之前,小弟先分別分析其餘兩隊英超球隊的防守中場,從中可以見到羅渣士心目中理想的防守中場以及防中如何對球隊轉守為攻有著舉足輕重的作用。



係曼聯隊中,卡域克對曼聯成敗絕對係舉足輕重。作為防守中場,卡域克的鏟截能力不算特別出色。雖然位置較後但卡域克作用並非傳統「有破壞無建設」的防守中場,更多的防守工作例如迫搶、鏟截、截球等責任由費蘭尼或靴里拉負責,但卡域克藉著豐富的經驗、出色的大局視野及準繩的傳球加強了球隊轉守為攻的速度。數據顯示係今季卡域克上陣的比賽中,曼聯的表現非常明顯不同,由 44%勝率增加到 72%,係季尾卡域克傷出後更突然出現三連敗,原因正正係卡域克的 5.7次準繩長傳 long ball對球隊係反擊、尋找進攻空間時有著重要作用,而 5.7次長傳同時亦係英超中場之冠。係卡域克缺陣下面對三隊「泊大巴」的球隊,曼聯表現完全可以用「老鼠拉龜」來形容,後防更三番四次被愛華頓反擊得手。



而係另一支英超球隊車路士,雙防守中場兩人亦分工明確,馬迪負責第一時間迫搶、鏟截,而另一防守中場位置的法比加斯負責長傳增加轉守為攻的速度,場均 5.5次準繩長傳亦係英超中場中排名第三,僅次於卡域克以及謝拉特之後。出色大局觀、準確長傳令法比加斯今季擁有達英超最高的 18次助攻 (雖然並非全部係長傳助攻),亦增加車路士係反擊中的威脅。

係防守中場位置,最完美的情況當然係一個防守中場能擁有如馬迪或馬斯查蘭奴的鏟截能力;沙比阿朗素、派路、卡域克或法比加斯的長傳能力;年輕時謝拉特或現在普巴的活動能力,但現實中要一個球員擁有以上能力根本係天方夜譚,只要精於其中一項已經難能可貴。

係魚與熊掌不可兼得只能三選一的情況下,羅渣士寧願選擇以傳球能力較佳的謝拉特或祖亞倫替代防守能力佳但傳球能力較差的盧卡斯。係上季這樣的賭博的確為利物浦大大加快了利物浦轉守為攻的速度,上季謝拉特場均 7.6次準確長傳為速度甚高、走位靈活的 SAS而言提供了不少快速反擊的機會,不少球迷應該還記得上季利物浦的反擊如何令其他球隊聞風喪膽,係大炒阿仙奴、熱刺、愛華頓等球隊的比賽中,不少反擊正正係由謝拉特、軒達臣或古天奴利用出色準繩的長傳製造,而這些機會的確並非盧卡斯可以提供的。



其中一個有趣的數據係上季以謝拉特替代盧卡斯當防守中場的利物浦,83%的勝出率比盧卡斯上陣時的 55%得勝率更佳,入球數字亦由沒有盧卡斯上陣的 2.15個增加到場均的 3.22個,反映當謝拉特出任防守中場時直接加快球隊係轉守為攻時的效率,增加了球隊進攻時的威脅。




但今季係蘇亞雷斯離隊、史杜列治經常受傷後,利物浦中場壓力明顯大增,加上要已經 34歲的謝拉特經常踢滿全場實非明智之舉,亦直接令球隊後防少了一層屏障。係截至一月的數據表現,係盧卡斯沒有上陣的比賽中利物浦只有 27.2%得勝率,而 1.55個場均失球數字亦明顯比擁有盧卡斯時的 0.91個多。

如果羅渣士上季選擇以長傳加強進攻代替防守係成功的話,今季就因前鋒速度走位比不上上季而令謝拉特出色的長傳無法找到前線目標。大家有印象的話應該記得羅渣士係季初經常以 451陣式迎戰,問題係前鋒線上只有一人的情況下早已被對方中堅釘緊。當攻不銳而謝拉特的防守能力又明顯不及盧卡斯的情況下,結果今季對方球員係利物浦後場經常如入無人之境,亦係羅渣士想要復製上季反擊效果不成後的副作用。

總括而言,盧卡斯並非如卡域克、法比加斯、謝拉特般擁有出色長傳及視野的防守中場,但埋頭苦幹的拼勁卻可以大大減輕後防壓力。係魚與熊掌不可兼得的情況下,羅渣士來季如何係防中位置決擇將會係利物浦成敗關鍵。

覺得小弟寫得 ok或想要更多 Liverpool資訊,可以到 fb按個讚支持下啦。
https://www.facebook.com/myheartisredlfc

如果喜歡我們的文章,請即分享到︰

標籤: 利物浦  盧卡斯  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→