蟲筆感想 睇波日記(五)



2月7-8日(星期四及五)

註:此篇圖片較多。

觀戰拖肥糖後,翌日我離開利物浦市,轉往家鄉的米杜士堡。由於呢場比賽提前星期六下午1:00舉行(因為安全問題,警方向米杜士堡、英格蘭足球聯盟提出此要求),我沒有去睇阿士東維拉這場賽事(星期五晚上上演)。結果這兩天我就閒遊Saltburn-by the sea同Scarborough(史嘉堡),不過天氣一般,但能夠望海,或多或少都能令心情放鬆。第一次前往史嘉堡,同黑池一樣屬於度假勝地,擁有一個唔錯海灘,週邊擁有遊戲機鋪、糖果店等。還有一個小型遊樂場,或許不是假日,佢並沒有開。另外海邊亦停泊唔少船隻,亦可以租船出海釣魚。呢種度假勝地在英國常有,假日時候應該十分熱鬧。至於晚餐就在米杜士堡市內解決,反正我最鍾意呢種小食店。


準備好早餐返屋企😎。

係達寧頓(Darlington)轉車。

去Saltburn by the sea行一轉。

曾經有人認為呢到係seven sister🤣(呃人成功)

呢日天氣一般,電車休季未開,又坐唔到🤨。

好大風😅。

由沙灘影向橋。

呢間鋪話佢係全英國20間海邊最好食既炸魚薯條(我食過,唔錯😋)

呢類小食店,我最鍾意。

第一日晚餐,兩人份量😋。

第二日市內。

河畔球場附近。

米杜士堡標誌建築物。

前往史嘉堡見到彩虹(我影得唔好)

史嘉堡既火車站

市內地圖

呢間酒店,好有歷史。

史嘉堡的海灘。

呢類店鋪,係度假勝地常見。

可以租船出海釣魚。

如果唔想行,可以坐呢類電車,一英鎊(其實行落去仲快😅)

第二日晚餐繼續😋。

2月9日(星期六)

前往家鄉,莫非都係想睇米杜士堡。呢場米杜士堡對列斯聯大戰,會影響前列份子排名。同樣地警方都相當關注呢場賽事,而球會保安檢查比平日相當嚴緊。我去拎波飛同買波衫後,同球迷會做短暫直播後進場。每次進入河畔球場,有一種興奮。感受球場同時,見到直升機在上空盤旋,大概為觀察地面環境,過往在米杜士堡睇波,都係第一次出現呢個情況,畢竟列斯聯球迷出名麻煩。球場坐滿過三萬名觀眾,雙方球大戰一觸即發。雙方一攻一守,帶來萬分緊張,半場打成平手。下半場列斯聯作出調動,兩分鐘米杜士堡中場榮治(Lewis Wing)近門撞入,米堡球迷等待呢刻來臨,熱烈慶祝。其後主隊其氣勢迫人,可惜埋門卻差一點,或許埋下和波的機會。雙方領隊佩利斯(Tony Pulis)及比爾沙(Maricio Bielsa)同時換人戰術,仿似互相角力。列斯聯重重追擊,米杜士堡力補不失,令場上感覺相當凝重。80分鐘,被換出奇勒(Jack Clark)在後備席突然暈倒。球證即時吹停比賽,米杜士堡軍醫隨即進行急救。雙方職球員、球迷(包括我),關注奇勒情況。接近十分鐘既暫停,奇勒醒返,但為安全起見送入醫院接受檢查。雙方球迷隨即鼓掌,支持奇勒同感謝軍醫迅速急救。隨後比賽即刻上演,補時十二分鐘令雙方球迷增添一份緊張。一個定律不變,久守必失。菲臘斯(Kalvin Phillips)補時入球,令主隊鴉雀無聲。而客隊亦高聲歡呼。我坐的主場位置居然有人慶祝,佢係列斯球迷。我同周邊球迷即時叫佢:FUCK OFF AND GET OUT!唔知佢係咪驚危險,第一時間抱起佢個仔即逃,而保安亦即時夾佢走。在完場結束後,球迷亦拍手支持球隊,雖然結果不盡人意,同時球隊表演亦感動球迷。我對上一次失落感,應該係上次英超時期的米杜士堡,久攻不下對般尼只能和波收場。基頓(Adam Clayton)的失望我還記在心中,而今次就係菲爾(Deal Fry),呢名小將賽後亦流下男兒淚。賽後球迷部分球迷留在場外等候職球員外,大部分球迷亦紛紛離開球場。上空的直升機再次出勤,在場外警察亦準備隨時出發。直升機只要有發現,警車隨即出動。指定動作,警察制服,落孖葉,上警車,不論那方球迷,攪事者,鎖。結果沿路都見到三、四次呢個動作,去到市中心,大批球迷在酒吧附近滋事,騎警排成一直線,驅散佢地。及後騎警亦駐守下,未有太大問題出現。返回酒店整頓行李後,我再次出發,前往下一個站,倫敦(又)。

今日好天氣,最岩去睇波。

米堡球迷記得佢嗎?

每次見到,都好興奮。

紀念沙拉,不分任何球會、球迷。

等待入場,職球員通道就係隔離。

我來啦,呢個時間係時候做多陣直播。

Boo....(你明啦)。呢場舊將班福特有上陣,而科梳爾連後備席不在名單中。

北看台坐滿球迷。

南看台球迷,企足九十分鐘,開波前仲放煙花。

雙方握手後,準備開波。

Yeah!入波一刻,全場興奮。

完場返市中心,警方沿途戒備。

係英國睇咁耐波,都係第一次見騎警驅散滋事球迷。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→