【賽前預報】曼聯對阿仙奴

曼聯新聞 於 03/11/2012 發表 收藏文章
英格蘭超級足球聯賽 第10輪

對賽隊伍:曼聯(H) 對 阿仙奴(A)

對賽日期:11月3日

香港時間:20:45

對賽球場:奧脫福球場

執法球證:甸恩(今季執法6場比賽,共派出黃牌15張、紅牌0張)



上年,曼聯係奧脫福球場血洗阿仙奴8比2,當中有阿仙奴隊長雲佩斯射失12碼;一年後,槍手隊長轉投曼聯,令不少阿仙奴FANS心目中的英雄一夜之間變成了叛徒。今年阿仙奴上下的心意一致,就係要係返奧脫福球場成功復仇,並且唔比雲佩斯入波!相信今場分分鐘會比「車曼大戰」更好睇。


周中的聯賽盃賽事,韋碧克同小豆都正選上陣,應該都唔會有足夠體力係對阿仙奴一戰打足全場,預料一齊做住後備,而正選就理所當然會用倒戈相向既雲佩斯搭住朗尼,衝擊阿仙奴有基比斯同施捷斯尼缺陣的後防。


蘭尼係對車路士的聯賽盃賽事,被費SIR罕有地係賽後點名批評佢,相信佢係曼聯的生涯就黎走到終點;而今場正選兩翼,毫無疑問會由艾殊利楊格同埋華倫西亞搭任。費SIR就透露安達臣有機會會係呢場賽事出場,但相信唔會係正選;史高斯、聰明利、卡域克係周中賽事都比費SIR收起,史高斯更係連續第2場無出過場,但由於阿仙奴的中場有韋舒亞復出,史高斯可能又要再一次擔任後備,因為要利用聰明利同埋卡域克的走動,同阿仙奴活力中場大鬥法


雖然拉菲爾係周日同周中的比賽都有出場,但由於佢既年齡只係二十幾,體力相信唔會有咩大受影響;畢特拿再一次令曼聯球迷失望,佢係周中比賽因為一次魯莽的犯規而令曼聯輸左十二碼,間接令曼聯輸波,應該會令費SIR再逼不得已再次使用艾夫拿擔任正選。費SIR透露史摩寧可以係呢場賽事上陣,預料先列後備;里奧費迪南同埋伊雲斯係周中賽事得以輪休,應該順里成章成為一對正選中堅。門將方面,連迪加特係周中比賽同車路士激戰120分鐘,體力上應該不能以支持埋呢場比賽,迪基亞係周日對車路士一戰中憑住出色表現,不但幫曼聯保住勝局,仲成為Man of the Match添,正選毫無疑問會由佢擔任。


預計陣容:
MUFC LATEST


guardian.co.uk


http://fantasypremierleaguetransfers.com


thehardtackle.com


Goal.com

門將:迪基亞

後衛:拉菲爾達施華、里奧費迪南、伊雲斯、艾夫拿

中場:路爾斯華倫西亞、卡域克、聰明利、艾殊利楊格

前鋒:雲佩斯、朗尼


雙方球隊近況及傷兵:

曼聯

傷兵/停賽:菲爾鍾斯、維迪、香川真司

上陣成疑:史摩寧

球隊上場成績:車路士5-4曼聯


阿仙奴

傷兵/停場:迪亞比、法比安斯基、謝雲奴、基比斯、張伯倫、路斯基、施捷斯尼

上陣成疑:/

球隊上場成績:雷丁5-7阿仙奴


上年曼聯主場迎戰阿仙奴,憑住朗尼帽子戲法、艾殊利楊格梅開二度再加上朴智星、韋碧克同蘭尼的入波,8比2血洗阿仙奴。

曼聯8:2阿仙奴精華片段:

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→