西甲雙雄搶購迪基亞，兩大西班牙門神慘變交易籌碼！ 精選

卡斯拿斯同摩連奴關係到底係點？？相信就只有佢地先知，不過，從外界黎睇，如果摩連奴下季繼續執教皇馬，咁卡斯拿斯係皇馬既地位可能會愈來愈低。而據《每日電訊報》報導，佢地兩個既事令到曼聯開始密謀從皇馬收購卡斯拿斯。
曼聯之所以有呢個念頭，除左卡斯拿斯係皇馬既處境唔好之外，仲有就係皇馬想買迪基亞，迪基亞既經理人文迪斯早就已經同皇馬主席佩雷斯承諾，只要皇馬決心買迪基亞，其他既野就交俾佢做，例如說服曼聯放人。
迪基亞係曼聯既情況都唔算好，佢唔係門將既必然之選，費格遜成日都將佢同連迪加特輪換，咁樣就令到曼聯產生一個念頭：「既然皇馬都想要迪基亞啦，咁我地點解唔可以要卡斯拿斯呀？」不過，《每日電訊報》同時都提到一樣野，皇馬死敵巴塞隆拿都係度打迪基亞主意，而《世界體育報》更加指出，巴塞隆拿希望用域陀華迪斯去交換迪基亞。
域陀華迪斯唔同巴塞續約之後，巴塞就著手收購新門將，巴塞目標門將有好多，其中包括迪基亞。巴塞覺得既然域陀華迪斯遲下都會轉會，咁不如將佢俾曼聯，借機去引入迪基亞。不過，由於迪基亞經理人文迪斯同皇馬既關係比較好，所以巴塞可以挖到迪基亞既機會比皇馬低好多。