紅軍潛力股|班拿根 is ready!

米活記者會 於 17/07/2016 發表 收藏文章
班拿根呢個名最近曝光率都幾高,相信利迷已經開始熟悉呢個名、同埋呢位球員。

小弟上季之前其實都只係見過呢個名,並沒有太多認識,不過對上一季,尤其係足總盃,不少時候都會見到一眾年青球員上陣,而其中一場對韋斯咸既比賽,班拿根可謂係擦亮了我的眼睛。

五歲已經加入利物浦既青訓系統,十五年過去,二十歲既班拿根可以話係開始上到位。
你知、我知、大家都知,謝拉特離開後,利物浦幾乎「絕後」,一隊既自家青訓只得番剛重傷完既法拿根,自自然然好多人會對根少寄予厚望,希望佢能夠係後謝拉特時代擔大旗,不過好可惜,法拿根係英超擔大旗做隊長果場,正正就係下半季反勝為敗比修咸頓果場。

近年每每有青訓冒起,兩秒後都會被標籤為「謝拉特接班人」、「新謝拉特」等等。

筆者想係度再強調多次,隊長謝拉特係無可取代,大家亦都應該要明白,能夠被取代既 - 即係唔係獨一無二。熱血、打不死、一個人帶起隊波、叫番醒隊波果種精神可以傳承落去,但謝拉特只得一個。
以上內容其實主要係想減低大家對新冒起青訓既期望,下面入正題 :D

班拿根最近人紅自然訪問多,以下係佢想同大家講既野
「果次係我第一次正式為利物浦上陣 (去年9月歐霸對賽波爾多),對我呢啲青訓球員黎講簡直係夢想成真。」
「果陣我好專心,想比大家睇到我可以做到啲咩,正式落場踼令我獲益良多,我而家淨係想有更多機會落場比賽,希望來年我有咁既機會啦。」

「每一年,作為青訓球員既我都想迫自己進步。就算係五歲果陣,我都係咁同自己講 "繼續努力,希望第一份球員合約係來自利物浦",我成功左,而自此之後我一直都好努力咁想更加進步。」
「由U16開始、U17、U18、U21,到而家踼緊一隊,我品嚐緊呢種味道,想有更多機會出場。」

對於而家身邊既教練高普、以及一眾星級隊友。
「完全係另一個級數,你會見到一啲難以致信既球員、頂級既國際球員。」

「作為年青球員,你需要攝入去佢地入面,有時會唔係咁如意,但係你需要令到自己有能力同佢地競爭,有能力同佢地一較高下,咁到時就有出頭天。」

「同埋唔好鋒芒畢露,作為年青球員經常都要保持謙卑,操練既時候你需要保持進步,同埋寄望能夠得到機會。」

對於自己來年既目標,班拿根亦都毫不保留。

「我既目標係要繼續突圍而出,當機會來臨既時候,希望我可以把握到,而我亦肯定我會把握到,因為呢一年,我感覺到自己已經準備好,個感覺就好似:我要比大家睇到我能力有幾多,黎緊呢十二個月,邊度需要我,我就會係邊度出現。」


*你的支持是米活記者的最大動力,請到小編開設既Facebook專頁按個like支持吧!
Facebook專頁 : https://www.facebook.com/melwoodinhk/



Source: http://www.liverpoolfc.com/news/first-team/227622-we-have-unbelievable-players-here-but-i-m-ready-to-take-my-chance

留言


請按此登錄後留言。未成為會員? 立即註冊
    快捷鍵:←
    快捷鍵:→