法卡奧能重新振作嗎?! 精選

經過上一屆係曼聯既失敗經歷，法卡奧再今季再次得到另一支既英超球隊信任，再次獲得一次係英超表現自己既機會。今次尼到上屆英超冠軍既車路士。係車路士入面佢今季只係球隊既第二第三前鋒!每場表演自己既機會只有十幾二十分鐘到。
法卡奧今季係車路士已經後備入左波，佢係球隊既角色暫時都仲係後備上陣幫球隊博殺。係今季佢上陣既比賽入面，我覺得以往係馬體會既法卡奧已經慢慢番左尼。番後場駁腳，分波比兩翼，以及佢最搵到食既入偰能力已經慢慢出番尼。係哥斯達尼緊既停賽期間，佢能唔能夠表現到自己已經番左尼，重拾當日既光輝呢?!
我認為法卡奧今屆係有機會搶到一席正選位置!可能你會覺得無咩可能，但係我認為係確實有機會，等我列出幾個原因啦:?!
第一點:場外場內麻煩事較少

法卡奧係球場內好少會同對手有過激衝突，場內既小動作亦非常少，因此會大大減少出現令領隊頭痛既黃牌紅牌出現。作為前鋒成日拎牌只會令球隊既部署出現問題，如果有牌係身係前場進行逼搶時，亦都要就住就住!
第二點:把握能力絕對能夠與其他車路士前鋒平起平坐

法卡奧作為一名頂級射手，佢既射門把握能力亦都非常好。往往係窄位或第一時間既處理方面亦都做得唔錯!浪射既問題亦都唔多

第三點:頭鎚攻門能力強

法卡奧頭鎚攻門能力強，不是在於佢有好高既身高優勢!在於佢入偰既時間timing掌握得好。往往能夠比龍門或者後衛早一步頂得個波或者係有利既位置作出攻門。相比起雷米和哥斯達，依一點絕對係優勢。

第四點:態度
法卡奧令到我對佢印象深刻之處，正正係佢個種拼博以及一股勇往直前好想爭取入波既態度!每次佢落到場都會用盡全力，好有拼勁去逼搶走位等等。佢渴望入波既個種態度亦都令真正覺得佢係一名真正既前鋒


小編我就相信法卡奧能夠重新出發喇!有無同我一樣欣賞佢態度既粉絲呢?!即管發表下你地既意見啦~如果有不同既球員或球隊想我分享既，亦都可以留言。

希望大家多多支持我!click入facebook page比個like我地!!入面會有我既文章,包括足球,籃球,各項運動等!https://www.facebook.com/大俠Sports-517836178373526/