足總杯 曼城對般尼賽後短評

足球理性分析 於 07/01/2018 發表 收藏文章
足總杯 曼城對般尼賽後短評


呢場波好似無乜人睇? Viutv有得免費睇wo?

講番場波, 有睇開理性分析既都知道, 只要有人問邊隊可以擊敗曼城, 我係一定答般尼, 因為上輪英超對曼城佢地真係踢得好好

今場其實都唔例外, 般尼既442四人防線同四人中場好靚咁平排防守, 左右中場落到閘位防守, 防止曼城邊路打onetwo入渗, 前鋒後一格既Hendrick都會落到禁區頂幫手, 前面只留Vokes一個, 做一個強力支點等隊友後上打反擊...呢種打法亦都係般尼今季常用既戰術, 而且反擊非常有效, 今場都有幾球反擊好有威脅

有見及此哥迪奧拿為防般尼既反擊, 將兩閘收到中場, 甚少去邊路助攻, Fernandinho就可以再上一格係禁區頂附近執漏防止般尼搵前面既Vokes...
咁係唔係代表曼城放棄邊路進攻? 當然唔會, 兩個中場中Gündogan同Silva都會落到兩邊同兩隻拉到勁邊既翼: Sane同Sterling做onetwo, 不過因為受制於般尼回防既左右中場, 好難穿到, 就算穿到想傳中都俾塞係禁區既守衛清走

上半場曼城一腳中目標射門都無, 仲趁Stones犯錯領先一球, 一切都好順利, 但偏偏下半場開波無耐一球快開罰球, 將般尼既努力付之流水

究竟罰球俾唔俾快開? 球例其實無規定唔俾快開, 係任何位置既罰球都容許快開. 只不過而家大多數既球證係比較近禁區, 有機會直接攻門既罰球, 都會示意兩隊, 表明要聽雞聲先可以開, 就係想避免對方排緊人牆時快開, 造成爭執.
所以呢球離門有段距離, 如果當時球證無表明聽雞聲快開係合法, 就算般尼球員無離球十碼都無問題.

其實呢球般尼球員都醒有Delay, 但剛剛退後十碼時快開...真係慘

輸一球之後好快輸埋第二球, 真係輸集中力, 岩岩失完波未回魂失多球

輸緊波對住曼城要焗攻仲要作客其實都預左追唔番同輸更多反擊

雖然比數係4比1, 但我唔覺得係強弱懸殊, 真係好可惜, 打得咁好就俾一球快開罰球打沉...

留言


請按此登錄後留言。未成為會員? 立即註冊
    快捷鍵:←
    快捷鍵:→