般尼對利物浦 賽後短評

足球理性分析 於 02/01/2018 發表 收藏文章
講真呢場只睇左上半場少少無睇晒,只可以根據上半場同結果簡單講幾句


三日踢兩場絕對唔容易,輪換絕對係必要,利物浦今場就作出左7個調動,最最最重要係,Coutinho, Salah, Firmino同時唔係正選名單,不過唯一令人安慰既一定係Lallana既復出。

利物浦既鋒線之所以強大,除左佢地既默契走位純熟之外,最勁就係佢地角色能力非常分明,Coutinho創造力技術兼備,不時仲有遠射;Salah單打獨鬥能力強,你睇上場對李斯特城就知,佢d背住後衛食位轉身愈黎愈勁;Firmino走位強,不甘於前鋒位置四圍走,令到隊友可以輪流插上空位,對李斯特城兩球都係Firmino走開左中間先有位埋Salah。(呢場會出分析)

拎走左利物浦最引以為傲既鋒線,攻力果然大打折扣,位置上可以理解為Solanke/Firmino; Lallana/Coutinho; Chamberlian/Salah;雖然佢地好努力,表現唔係差,我亦敢話能力上係次一級,但始終球員唔同左就已經唔係個回事,打唔出之前既節奏同效果。上半場基本上攻唔入般尼,而且般尼始終唔係省油的燈,利物浦無可能壓住黎打,般尼主場同利物浦拉成均勢,仲有幾次機會入波。

最後下半場憑Mane轉身射個世界波先開紀錄,不過失個一球又係集中力問題,Vokes第一點頂個下利物浦後防無一個準備執漏,只有Gudmundsson衝前,尾柱既Gomez完全無反應...
而利物浦救心一球都係差唔多,不過Lovren既二傳路線真係岩岩好,般尼球員想救都救唔到。

至於有冇越位?個人認為係平排,記住手係唔計越位。

留言


請按此登錄後留言。未成為會員? 立即註冊
    快捷鍵:←
    快捷鍵:→