轉會傳聞：終於傳聞買中場！老婦人當家馬治斯奧！(附馬治斯奧短片) 精選

當大家都以為曼聯會買前鋒之時，終於終於都有中場嘅傳會傳聞！佢就係效力祖雲達斯嘅馬治斯奧喇！

據《每日鏡報》透露，爵爺睇今季祖記成績優異，終於明白到中場線的重要性。因為今季老婦人有馬治斯奧、派路、維達爾以及普巴，所組成的中場線進可攻退可守，猶其呢個組合的攔截力非常強，係曼聯今季所欠缺的。所以爵爺就希望可以將呢條線的核心馬治斯奧帶入曼聯，領導新的紅魔中場線。為此，紅魔有兩個選擇，一係用2000萬英鎊買佢，一係用蘭尼為籌碼換入。
要我？
而點解講到蘭尼身上，一來因為祖記一直對佢都有興趣，而攻力亦是她們需要加強的重要一環。所以雙方換人好可能成為一個雙贏的情況。加上蘭尼合約只剩1年，如果仲唔續約，今夏離隊的呼聲亦唔細。而傳聞祖記亦已經安排好蘭尼的合約，只待談判再起，如果曼聯真係想要馬治斯奧，好可能成為雙方達成協議的契機。當然，最重要的是球員自己的意願，因為馬治斯奧對轉戰英超非常有興趣，加上其薪遠遠不及一線球星，所以轉會、加人工對佢而言非常吸引。
比起好多大牌的轉會，例如法卡奧、羅拔仔咁，你又點睇呢單傳聞呢？
馬治斯奧
位置：中場
年齡：27
生日：1986年1月19日
出生地：意大利
高度：1.78米
體重：168kg
效力球會：祖雲達斯
本季數據：出陣28場，共射59腳攻入6球，1助攻
http://www.youtube.com/watch?v=uPI7bUD0ZCA
ps：曼聯隊中的意大利人真係無咩邊個，得一個外借咗嘅馬捷達...所以筆者其實都幾唔睇好呢單轉會...