爵爺：我會重用青年軍！不過唔止基華利，仲有…

仲有邊個？就係喺上年青年FA Cup發光發熱嘅普巴(Paul Pogba)喇！你可能會問佢有幾大影響力，筆者可以同你講：唔係好大啫，只不過令爵爺唔要史奈達之嘛！拿，唔係我吹水架，爵爺真係咁同espn講架！

佢係咁講嘅：「小將普巴好有潛力，我地對佢嘅未來充滿期望！如果我地唔俾佢上位會點？好簡單，幾年之後，佢約滿，走人，我地就會無咗一個出色嘅後生仔。我地有必要俾正選佢打下，睇睇實戰時佢嘅表現係點。普巴有好好嘅體能同運動能力，有好大的可塑性同可能性。有費查、卡域克等人做後盾，班後生仔好似鍾斯、基華利，仲有普巴等可以好好咁發揮同成長，所以我見唔到有必要再買人。」最後，爵爺仲叫我地忘記所有你中意(但未加盟)嘅球員，因為佢對依家嘅人腳好滿意咁話。
咁又係，其實曼聯放走咗好多好有潛質嘅小將，例如碧基同基奧斯比羅斯就係因為無正選打而離隊。如果佢地呢一刻仲在隊，表現可能仲威猛過伊雲斯同瀟灑哥！所以都唔難理解爵爺想出多啲新球員嘅。聰明仔基華利到依家都幾對版啦，唔知普巴又會唔會帶俾大家驚喜呢？我地拭目以待！

來源：espn

之前嘅普巴...真係點睇...都係唔靚仔...大大下...都ok 噃！
到咗今日...唔係呀嘛？？身型咁殺食嘅？個樣仲有啲似高路托尼添！如果你地仲係到...
如果你地仲係到...如果你地仲係到就好喇！！不過放心，我地仲有小豆同史摩寧！