朗尼邊個地方超越咸爺先？唔通係身家？拿，早排就同大家講過佢就算賣哂家當都買唔起普巴，因為佢雖然身家唔少，有8200萬鎊，不過都唔係夠買架！至於碧咸呢…根據上年數字，「碧家」總身家為4億7000萬鎊，以每年3000萬鎊嘅速度增加！咁即係今年保守估計係有5億鎊嘅…除一半畀咸嫂，佢都有2億5000萬鎊，有啲難追噃…
無錯，題外話講完，都係講返正事先！既然唔係身家超越咸爺，為曼聯上陣次數又一早超過哂喇，頭髮數量呢…又無咩可能超越佢，咁究竟係咩呀？無錯，其實係講緊喼帽數量呀！碧咸為三獅共上陣115次，而朗尼呢？計埋星期日上陣對斯洛伐克嘅比賽，佢已經有116頂喼帽喇！所以佢已經正式成為英軍上陣最多次數嘅非龍門球員，擋係佢面前嘅只係得返一代「鋼門」施路頓咋！佢以125頂喼帽成為英格蘭國家隊上陣最多次嘅球員，只係朗尼話佢要打到2018年先退出國家隊，如果真係咁佢其實好有可能喺可見未來之中擊敗施路頓成為英軍第一人！當然啦，朗尼都係好識講嘢嘅：「可以代表國家隊係好重要，同好榮幸嘅事。不過一切都係球隊為先，拎3分最重要。我都幾肯定我老咗之後總有一日會回首睇下自己破過咩紀錄，不過我依家當然係前瞻，睇下點準備下一場比賽。我第一日入隊已經好有動力，直到今日都仍然係。」
講返當年，佢代表英軍處子上陣係17歲111日，都未成年呀！當時打前鋒嘅佢，依家就唔知打中場好定前鋒好喇。摩連奴就用佢打前啲嘅，而英軍主帥大Sam呢？佢講過，好希望球員會打返球會打緊嘅位置，不過上場比賽佢就要朗尼打中場噃。呢個決定其實都有啲羅生門，因為朗尼話佢打中場係大Sam嘅指示，佢訓練咗成個星期都係打中場；不過大Sam就話唔係噃：「呢場比賽佢打咩位都可以啦！因為佢表現好出色，控制成個大局。有時佢係會溜後比賽，不過我阻止唔到佢囉。」不過點都好啦，朗尼打中場睇嚟係時間問題，而佢會唔會破埋英軍上陣紀錄，睇嚟都係時間問題嘅啫！隊長，梗係要撐佢嘅！
無錯，題外話講完，都係講返正事先！既然唔係身家超越咸爺，為曼聯上陣次數又一早超過哂喇，頭髮數量呢…又無咩可能超越佢，咁究竟係咩呀？無錯，其實係講緊喼帽數量呀！碧咸為三獅共上陣115次，而朗尼呢？計埋星期日上陣對斯洛伐克嘅比賽，佢已經有116頂喼帽喇！所以佢已經正式成為英軍上陣最多次數嘅非龍門球員，擋係佢面前嘅只係得返一代「鋼門」施路頓咋！佢以125頂喼帽成為英格蘭國家隊上陣最多次嘅球員，只係朗尼話佢要打到2018年先退出國家隊，如果真係咁佢其實好有可能喺可見未來之中擊敗施路頓成為英軍第一人！當然啦，朗尼都係好識講嘢嘅：「可以代表國家隊係好重要，同好榮幸嘅事。不過一切都係球隊為先，拎3分最重要。我都幾肯定我老咗之後總有一日會回首睇下自己破過咩紀錄，不過我依家當然係前瞻，睇下點準備下一場比賽。我第一日入隊已經好有動力，直到今日都仍然係。」
講返當年，佢代表英軍處子上陣係17歲111日，都未成年呀！當時打前鋒嘅佢，依家就唔知打中場好定前鋒好喇。摩連奴就用佢打前啲嘅，而英軍主帥大Sam呢？佢講過，好希望球員會打返球會打緊嘅位置，不過上場比賽佢就要朗尼打中場噃。呢個決定其實都有啲羅生門，因為朗尼話佢打中場係大Sam嘅指示，佢訓練咗成個星期都係打中場；不過大Sam就話唔係噃：「呢場比賽佢打咩位都可以啦！因為佢表現好出色，控制成個大局。有時佢係會溜後比賽，不過我阻止唔到佢囉。」不過點都好啦，朗尼打中場睇嚟係時間問題，而佢會唔會破埋英軍上陣紀錄，睇嚟都係時間問題嘅啫！隊長，梗係要撐佢嘅！
請按此登錄後留言。未成為會員? 立即註冊