天空體育：靴里拉迪羅斯唔願意加盟曼聯!!! 精選

臨近轉會窗關閉，莫耶斯一改低調務實作風，大出手報價迪羅斯、靴里拉等人。不過曼聯方面遭到迪羅斯本人同羅馬雙重拒絕，而畢爾巴亦對紅魔第一次出價2500萬報價亦不滿意，而冇想過放人。

之不過英國《每日鏡報》就表示，畢爾巴之所以否決曼聯2500萬出價，原因係因為紅魔晌轉會市場即將關閉情況下，將會迅速提高報價，到時先賣走呢名球星，就可以賺取更多轉會費。但其後有消息指出，靴里拉父親晌接受傳媒訪問時透露無轉會發生，係因為靴里拉本人唔想轉投曼聯，亦因為咁，雖然呢位24歲中場受到轉會傳聞影響，但依然會出現晌周日備戰皇馬嘅大軍名單上。

而畢爾巴教練甚為欣賞靴里拉嘅專業，佢晌接受媒體採訪時表示：「現在的確係有啲新聞有關靴里拉，但無論點，他都會參與本周末聯賽，對於佢晌場上嘅發揮，我毫無懷疑。我已經同佢商量過，佢目前正思考緊前途問題。」

據悉，靴里拉同畢爾巴本身合約上有3000萬英鎊嘅違約金，而主帥早前亦向傳媒表明過自己立場：「除非球員願意離開，並且曼聯支付合約違約金，否則球會係唔會將佢出售。」由於歐洲轉會市場將晌9月2日關閉，從目前情況表示，除非曼聯最後階段可以改變靴里拉個人想法，否則紅魔將錯失一名頂級中場球員。