提起基沙文（Antoine Griezmann）大家諗起咩？咪就係入波、入波、同埋入波囉！上屆佢係馬德里體育會嘅首席射手，聯賽攻入22球，當然同美斯、C朗、阿蘇有啲距離啦，不過作為馬體會的主力攻擊球員，而且以6球成為歐國盃神射手嘅佢，身價一啲都唔低。如果呢位球員同曼聯拉上關係，大家會唔會有啲開心、有啲興奮先？
佢依家同緊普巴一齊身在法國國家隊備戰，日前真係咁同傳媒講：「我總係問普巴曼聯點，因為呢個球會好有規模，而且設施好好。我問普巴，會中球員係唔係真係同想像中一樣咁勁？摩連奴唔係真係同想像中一樣咁叻？我都明，大家聽唔少曼聯同巴黎聖日耳門想搵我過檔嘅新聞，不過呢一刻我真係無諗過去新球會住。不過，如果有一天我可以同普巴於球會層面並肩作戰，將係一件非常令人期待嘅事情。」
唔好話係，對曼聯球迷而言呢件都係令人期待嘅事！短期講，紅魔鬼可能真係唔太需要基沙文住，因為前線上有伊巴、朗尼，仲有馬迪爾、拉舒福特，不過伊巴同朗尼年紀都唔細，再過多2年伊巴退役又好離隊又好，應該都不在遠；至於朗尼近年都已經唔再打前鋒。馬迪爾、拉舒福特夠唔夠撐？唔係唔夠，不過可以多一個頂級前鋒都係一件好事，係唔係？至於呢一番說話係唔係順口溜，唔少傳媒都認為最少基沙文唔係跳緊草裙舞，因為佢啱啱先續咗4年約，要跳都唔係呢個時候跳。所以，筆者認為佢真心想問問普巴曼聯咩情況，過多幾年睇下有無機會嚟同呢位國家隊隊友好好團聚下，一齊為球會爭標。當然時間就仲要等下啦，不過大家都會等嘅係唔係？
佢依家同緊普巴一齊身在法國國家隊備戰，日前真係咁同傳媒講：「我總係問普巴曼聯點，因為呢個球會好有規模，而且設施好好。我問普巴，會中球員係唔係真係同想像中一樣咁勁？摩連奴唔係真係同想像中一樣咁叻？我都明，大家聽唔少曼聯同巴黎聖日耳門想搵我過檔嘅新聞，不過呢一刻我真係無諗過去新球會住。不過，如果有一天我可以同普巴於球會層面並肩作戰，將係一件非常令人期待嘅事情。」
唔好話係，對曼聯球迷而言呢件都係令人期待嘅事！短期講，紅魔鬼可能真係唔太需要基沙文住，因為前線上有伊巴、朗尼，仲有馬迪爾、拉舒福特，不過伊巴同朗尼年紀都唔細，再過多2年伊巴退役又好離隊又好，應該都不在遠；至於朗尼近年都已經唔再打前鋒。馬迪爾、拉舒福特夠唔夠撐？唔係唔夠，不過可以多一個頂級前鋒都係一件好事，係唔係？至於呢一番說話係唔係順口溜，唔少傳媒都認為最少基沙文唔係跳緊草裙舞，因為佢啱啱先續咗4年約，要跳都唔係呢個時候跳。所以，筆者認為佢真心想問問普巴曼聯咩情況，過多幾年睇下有無機會嚟同呢位國家隊隊友好好團聚下，一齊為球會爭標。當然時間就仲要等下啦，不過大家都會等嘅係唔係？
請按此登錄後留言。未成為會員? 立即註冊