史摩寧談素食生活:仲大力咗!

曼聯專區 於 11/02/2019 發表 收藏文章
依家綠色生活大行其道,唔單止OL 喜歡食素,連唔少運動員都唔再食肉,史摩寧就係其中之一。佢之所以戒食肉類產品,同佢老婆係好有關係:「我轉食素好受妻子Sam影響,在家我們會好好計劃整個星期煮點甚麼,會一齊去超市買食材。」

依家嘅史摩寧食素都去到幾盡,唔食肉、唔食魚之餘,連蛋奶製品都完全唔食,有次佢喺酒店叫豆漿,個侍應仲串佢:「你星期六真係跑得郁?」不過史摩寧就話,自己改為全素飲食之後,身體狀況好咗好多:「我茹素之後腿筋測試成績好咗35%。同時,我做單車測試之後,發現我嘅力量比之前更大。所以我可以講,食素之後我比之前更強壯,成績更好。就算唔講全素生活,我之前只係戒食紅肉,肌腱炎嘅情況都好咗好多,比賽之後嘅回復亦快咗。我通常比賽之後嗰日都勁攰,但依家我回復速度快咗,一日已經好咗好多。」

其實唔止史摩寧,好多運動員都已經唔食紅肉,好似祖高域就係「魚素者」,只食魚同菜。究竟食素係唔係真係咁有力量就見人見智,不過如果史摩寧表現出色啲,食咩都無所謂啦!

如果喜歡我們的文章,請即分享到︰

標籤: 史摩寧  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→