兩香港足球小將勇闖奧脫福!!! 精選

早前馬會舉辦咗一個名為「賽馬會青少年足球精英訓練營」嘅計劃，吸引咗64名年青足球小將參加，接受曼聯足球學校教練為期兩個禮拜嘅訓練，當中最出色嘅兩位，仲可以去到英國曼聯青訓學院，接受一個禮拜嘅培訓。

結果咁有幸可以去到曼聯嘅兩位小將，就係15歲嘅陳柏熹同16歲嘅陳瑋樂，佢哋晌今個禮拜已經遠赴英國喇…

去到奧脫福喇...

原來佢哋今次係有機會可以成為曼聯青年軍!!! 事關來自世界各地97位潛質小將，包括香港兩名年青球員在內，都一齊嚟到曼聯青訓學院接受訓練，當中表現好嘅球員，仲會獲得曼聯教練團垂青，到時或者真係可以「正式」加入曼聯….
呢兩位小將，相信今次經驗一定非常難忘，一來有得晌曼聯訓練，技術層面應該有所提升，仲有機會去到平時一隊嘅訓練基地卡寧頓訓練場受訓，到時或者可以見到朗尼、尹佩斯、「小豆」都唔定…就算晌訓練場見唔到，呢兩位幸運兒都一定會見到呢班球星，因為佢哋旅程其中一站，就係可以晌奧脫福球場現場觀看今周六曼聯對富咸嘅英超賽事。

晌度希望呢兩名小「曼聯迷」脫穎而出，成功勇闖奧脫福!!!

呢架車有咩特別???原來呢架就係用嚟接載球星嘅車嚟呀，睇下入面幾靚...

(圖片來源：東方日報& 香港賽馬會青少年足球發展計劃facebook page)